ГОВЬСҮМБЭР АЙМГИЙН АУДИТЫН ГАЗРЫН ТОВЧ ТАНИЛЦУУЛГА

ГОВЬСҮМБЭР АЙМГИЙН АУДИТЫН ГАЗРЫН

ТОВЧ ТАНИЛЦУУЛГА

БАЙГУУЛЛАГЫН АЛСЫН ХАРАА:

          Боловсон хүчний мэргэшил, ур чадварт тулгуурлан  аудитын үйлчилгээг төрийн аудитын байгууллагын түвшинд хүргэх, ингэснээр аймаг орон нутгийн төр, ард түмэн, ажил мэргэжил нэгт байгууллагуудад зүй ёсоор үнэлэгдэж, хүлээн зөвшөөрүүлэхийг эрмэлзэнэ.

ЭРХЭМ ЗОРИЛГО:

          Төрийн эрх барих дээд байгууллагын үүргээ хэрэгжүүлэхэд нь Улсын Их Хурал, аймгийн ИТХ-д дэмжлэг үзүүлж, аймаг орон нутгийн, ард түмний эрх ашгийн төлөө гүйцэтгэх засаглалын хүлээх хариуцлага, үйл ажиллагааны үр ашиг, үр нөлөөг дээшлүүлэхэд тусална.

ЭРХЭМ ЗОРИЛТ:

          Хүний нөөцийн хөгжил, үүрэг хариуцлагыг дээшлүүлж, аудитор, шинжээчдэд аудитын арга зүй, мэдээллийн технологийн шинэчлэлийг эзэмшүүлж, үр дүнг хүлээж авах, аудитын чанар, үр нөлөө, үр өгөөжийг дээшлүүлж, аудитын чанарын удирдлагын тогтолцоог төлөвшүүлэхэд үйл ажиллагаагаа чиглүүлнэ.

ҮЙЛ АЖИЛЛАГАА:

          Говьсүмбэр аймгийн Аудитын газар 2015 онд төрийн аудитын тухай хууль, холбогдох хууль тогтоомжийн хүрээнд, Аудитын олон улсын стандартад нийцүүлэн үйл ажиллагаагаа явуулж байна.

Говьсүмбэр аймгийн Аудитын газар 2015 онд Монгол Улсын Ерөнхий аудиторт нийлүүлэх бүтээгдэхүүн ажил үйлчилгээндээ 10 бүлэг бүхий 57 багц асуудлыг гүйцэтгэхээр төлөвлөн түүнийгээ хэрэгжүүлэн ажиллаж байна.

2015 оны Төрийн аудитын байгууллагын удирдах ажилтны зөвөлгөөнөөс дэвшүүлсэн “Хүний нөөцийн хөгжил, үүрэг хариуцлагыг дээшлүүлж, аудитор, шинжээчдэд аудитын арга зүй, мэдээллийн технологийн шинэчлэлийг эзэмшүүлж, үр дүнг хүлээж авах”  зорилт дэвшүүлснийг манай байгууллага талархалтайгаар хүлээн авч үйл ажиллагаандаа мөрдөн ажиллаж байна.