Өмнөговь-Өмнөговь аймгийн ТЕЗ-ийн 2017 оны санхүүгийн нэгтгэсэн тайлан, төсвийн гүйцэтгэлд хийсэн аудитын тайлан, дүгнэлтийг Аймгийн засаг дарга Н.Наранбаатарт гардууллаа.

Өмнөговь аймаг дахь Төрийн аудитын газар Төрийн аудитын тухай хуулийн 15 дугаар зүйлийн 15.2, 18 дугаар зүйлийн 18.2, Төсвийн тухай хуулийн 8 дугаар зүйлийн 8.9.4-т заасны дагуу Аймгийн Засаг даргын 2017 оны 12 дугаар сарын 31-ний өдрөөр дуусгвар болсон санхүүгийн нэгтгэсэн тайланд аудит хийв.

Аймгийн Засаг даргын санхүүгийн нэгтгэсэн тайланд төсөвт байгууллага, төрийн сан, төсөл, хөтөлбөр, сан, орон нутгийн өмчит хуулийн этгээдийн санхүүгийн тайлангууд нэгтгэгддэг тул материаллаг байдлын түвшинг 2017 оны санхүүгийн үр дүнгийн нэгтгэсэн тайлангийн нийт зардлын дүнгээс 0.3 хувь буюу 433,5 сая төгрөгөөр тогтоосон болно.

Төсвийн ерөнхийлөн захирагчийн 2017 оны санхүүгийн нэгтгэсэн тайланд 15 төсвийн төвлөрүүлэн захирагч, 120 төсвийн байгууллага, 59 тусгай зориулалтын сан, 43 орон нутгийн өмчит аж ахуйн тооцоот үйлдвэрийн газар, нийт 237 байгууллагын санхүүгийн тайланг нэгтгэсэн байна.

Ерөнхийлөн захирагчийн нэгтгэсэн байгууллагын нийт 18,682.6 сая төгрөгийн алдаа, зөрчил илрүүлснээс аудитын явцад 18,118.3 сая төгрөгийн материаллаг алдааг залруулж, 28.5 сая төгрөгийн зөрчилд 34 акт тогтоож, 225.0 сая төгрөгийн алдаа, зөрчилд 49 албан шаардлага хүргүүлж, материаллаг бус алдаа дутагдал арилгах 310.8 сая төгрөгийн зөрчилд 69 зөвлөмж өглөө.