ОРХОН АЙМАГ ДАХЬ ТӨРИЙН АУДИТЫН ГАЗАР- 2017 оны жилийн эцсийн санхүүгийн тайлангийн аудитын дүгнэлтийн тухай

Монгол Улсын Ерөнхий аудиторын 2018 оны 01-р сарын 05-ны А/05 тоот тушаалаар аудит хийх байгууллагын жагсаалт шинэчлэн батлагдсан. Шинэ хувиараар 2017 оны санхүүгийн тайланд 125 байгууллагын санхүүгийн тайлан хамрагдахаас 8 байгууллагад итгэл үзүүлэн, 23 байгууллага түүвэрт хамруулах, 69 байгууллагад дүгнэлт гаргах хувийн аудитын байгууллагаар 25 байгууллагын санхүүгийн тайланд аудит хийлгэхээр төлөвлөсөн.

Гүйцэтгэлээр санхүүгийн тайлангийн аудитад  хамрагдсан 121 байгууллагаас 91 байгууллагад дүгнэлт гарган, 22 байгууллага түүвэр хамруулан, 8 байгууллагад итгэл үзүүлсэн ба 91 байгууллагад дүгнэлт гаргаснаас 81 байгууллага буюу 89.0 хувьд нь “Зөрчилгүй”, 9 байгууллага буюу 9.9 хувьд “Хязгаарлалттай”, 1 байгууллага буюу 1.1 хувьд “дүгнэлт өгөхөөс татгалсан” санал дүгнэлт өгч ажиллаа.

Санхүүгийн тайлангийн аудитаар 8251.7 сая төгрөгийн 604 алдаа зөрчил илрүүлэн,  4248.2 сая төгрөгийн 186 алдааг залруулж, 1683.8 сая төгрөгийн 59 албан шаардлага, 48.1 сая төгрөгийн 57 төлбөрийн акт тогтоон, 2271.5 сая төгрөгийн алдаа зөрчлийг арилгаж, давтан гаргахгүй байх, хариуцлагыг сайжруулах талаар 296 зөвлөмж хүргүүлсэн ба 6 албан тушаалтанд хариуцлага тооцуулах санал хүргүүлэн ажиллаа.