ГОВЬСҮМБЭР АЙМАГ ДАХЬ ТӨРИЙН АУДИТЫН ГАЗАР – ТӨРИЙН АЛБАН ХААГЧИЙН НЭГДСЭН СУРГАЛТАД ХАМРАГДЛАА.

          Говьсүмбэр аймаг дахь Төрийн аудитын газрын хамт олон Монгол Улсын Засгийн газрын Хэрэг эрхлэх газар, Төрийн албаны Зөвлөл, Говьсүмбэр аймгийн Засаг даргын Тамгын газар хамтран зохион байгуулсан Говьсүмбэр аймгийн төрийн албан хаагчдын ёс зүй, хариуцлагыг дээшлүүлэх, хууль эрх зүйн мэдлэг мэдээлэл олгож, чадавхижуулах зорилготой “Төрийн албан хаагчдын нэгдсэн сургалт”-д хамрагдлаа. Тус арга хэмжээнд Төрийн албаны зөвлөлийн орон тооны гишүүн С.Цэдэндамба “Төрийн албаны эрх зүйн шинэчлэл, Төрийн албаны тухай хууль, Төрийн албан хаагчийн ёс зүй, хариуцлага”, шинжээч А.Амармэнд “Төрийн албан хаагчтай үр дүнгийн гэрээ байгуулах, дүгнэх”, Засгийн газрын Хэрэг эрхлэх газрын Референт П.Энхсайхан “2018 оныг “Хариуцлагын жил” болгон зарласантай холбоотойгоор Засгийн газраас авч хэрэгжүүлж байгаа арга хэмжээ, аймаг, орон нутагт анхаарах асуудал”, шинжээч А.Мөнхбат “Говьсүмбэр аймгийн хэмжээнд хууль, тогтоомжийн хэрэгжилтийн өнөөгийн байдал, цаашид бодлого төлөвлөлтөнд анхаарах асуудал”, Хууль, зүй дотоод хэргийн яамны ахлах мэргэжилтэн Э.Сэлэнгэ “Захиргааны ерөнхий хууль, Зөрчлийн тухай хуулийн хэрэгжилт, анхаарах асуудал” зэрэг сэдвүүдээр мэдээлэл хийлээ.