Хэнтий аймаг дахь Төрийн аудитын газар “Эд хариуцагчийн сургалт”-ыг амжилттай зохион байгууллаа

Хэнтий аймаг дахь Төрийн аудитын газар, аймгийн Санхүү, төрийн сангийн хэлтэс, Тод санхүү удирдлагын академтай хамтран Нярав, Эд хариуцагчийн мэргэжил олгох, мэдлэгийг дээшлүүлэх, чадавхижуулах сургалтыг 2018 оны 05 дугаар сарын 14-16-ны өдрүүдэд зохион байгууллаа. Сургалтанд Аймгийн төвийн болон сумдын төсвийн байгууллагын 80 гаран эд хариуцагч нарыг хамруулж, шалгалт авч мэргэжлийн үнэмлэхийг аймаг дахь Төрийн аудитын газрын Дарга, тэргүүлэх аудитор Ч.Эрдэнэбаатар, Санхүү, төрийн сангийн хэлтсийн дарга С.Нямдаваа нар гардууллаа. Сургалтын хүрээнд гар бөмбөгийн нөхөрсөг тоглолт зохион байгуулж, тэмцээнд идэвхитэй оролцсон болон сургалтанд амжилттай дүн үзүүлсэн 4-н эд хариуцагчийг Идэр дээд сургуулийн Нягтлан бодох бүртгэлийн мэргэжлээр 50 хувийн хөнгөлөлттэй суралцах эрхийн бичгээр шагнав.