БНХАУ-ЫН НАНЖИН АУДИТЫН ИХ СУРГУУЛИЙН ТӨЛӨӨЛӨГЧИД АЛБАН АЙЛЧЛАЛ ХИЙЛЭЭ
19:22 05 сарын 30 өдөр 2018 он
БНХАУ-ын Нанжин хотын Аудитын Их сургуулийн орлогч захирал Ван Хуйжин тэргүүтэй төлөөлөгчид Монгол Улсын Төрийн аудитын байгууллагад 2018 оны 5 дугаар сарын 27-30-ны өдрүүдэд албан айлчлал хийлээ.
Айлчлалын үеэр Монгол Улсын Ерөнхий аудитор Д.Хүрэлбаатар төлөөлөгчдийг хүлээн авч уулзан, хоёр байгууллагын харилцаа, хамтын ажиллагааг өргөжүүлэн хөгжүүлэх, Монгол Улсын төрийн аудитын байгууллагын албан хаагчдыг аудитын чиглэлээр бакалаврын, магистрын болон мэргэшүүлэх богино хугацааны сургалтуудад хамруулах талаар санал солилцсон. Мөн Монгол Улсын Үндэсний аудитын газар, БНХАУ-ын Нанжин Аудитын Их сургууль хооронд Хамтран ажиллах тухай Харилцан ойлголцлын санамж бичигт гарын үсэг зурлаа.