“Цэвэр агаар сан” болон 2008-2016 онд агаарын бохирдлыг бууруулах чиглэлээр гадаад, дотоодын хөрөнгөөр хийгдсэн ажлуудын үр дүнд хийх гүйцэтгэлийн аудитын нээлт боллоо
2018 оны 05 дугаар сарын 30
УИХ-ын Төсвийн Байнгын хорооны 2018 оны 02 дугаар тогтоол, Монгол Улсын Ерөнхий аудиторын 2018 оны A/40 дүгээр тушаалаар баталсан “Төрийн аудитын байгууллагын 2018 оны үйл ажиллагааны ерөнхий төлөвлөгөө”-ний дагуу “Цэвэр агаар сан” болон 2008-2016 онд агаарын бохирдлыг бууруулах чиглэлээр гадаад, дотоодын хөрөнгөөр хийгдсэн ажлуудын үр дүнд хийх гүйцэтгэлийн аудитын нээлтийн үйл ажиллагаа боллоо.
Тус үйл ажиллагаанд Монгол Улсын Ерөнхий аудиторын орлогч бөгөөд Тэргүүлэх аудитор С.Оюунбилэг, Үндэсний аудитын газрын Гүйцэтгэлийн аудитын газрын захирал бөгөөд Тэргүүлэх аудитор М.Давааням, ахлах аудитор, аудиторууд, Сангийн яамны Хөгжлийн санхүүжилтийн газрын ахлах мэргэжилтэн С.Санжжав, Байгаль орчин, аялал жуулчлалын яамны Хүрээлэн буй орчин, байгалийн нөөцийн удирдлагын газрын мэргэжилтэн А.Цээпил, Нийслэлийн Агаарын бохирдлыг бууруулах газрын Агаарын чанарын хэлтсийн дарга Х.Галымбек, Нийслэлийн мэргэжлийн хяналтын ерөнхий газрын Агаарын чанарын хэлтсийн дарга Н.Шинэ-Оргил, Цаг уур, орчны шинжилгээний газрын Орчны шинжилгээний хэлтсийн дарга Ж.Батбаяр нар оролцлоо.
“Цэвэр агаар сан” болон 2008-2016 онд агаарын бохирдлыг бууруулах чиглэлээр гадаад, дотоодын хөрөнгөөр хийгдсэн ажлуудын үр дүнд хийх гүйцэтгэлийн аудитыг:
- Агаарын бохирдлыг бууруулах төрийн бодлогыг оновчтой тодорхойлсон эсэх;
- Агаарын бохирдлыг бууруулах бодлого үр дүнтэй хэрэгжсэн эсэх гэсэн чиглэлээр хийх юм.
