ГОВЬ-АЛТАЙ АЙМАГ ДАХЬ ТӨРИЙН АУДИТЫН ГАЗРЫН 2018 ОНД ХИЙСЭН САНХҮҮГИЙН ТАЙЛАНГИЙН АУДИТЫН ТАНИЛЦУУЛГА
Төрийн аудитын тухай хуулийн 18 дугаар зүйлийг хэрэгжүүлэх зорилгоор мөн хуулийн 15 дугаар зүйлд заасан эрх үүргийн хэмжээнд Төсвийн тухай хуулийн 8.9 дэх заалтад хамрагдах 198 байгууллагын 293 санхүүгийн тайланд баталгаажуулах аудит хийхээс 192 санхүүгийн тайланд Төрийн аудитын газрын ахлах аудитор, аудитор нар, 52 санхүүгийн тайланд ХАК-р гэрээний үндсэн дээр аудит хийлгэхээр, ТТЗ-ийн нэгтгэсэн тайлангаар 37 санхүүгийн тайланд түүвэрт хамруулахаар, 12 санхүүгийн тайланд итгэл үзүүлэхээр МУ-ын Ерөнхий аудиторын 2017 оны А/134 тоот тушаалаар батлагдаж үүнийг дагуу санхүүгийн тайлангийн аудитыг хуулийн хугацаанд хийж гүйцэтгэлээ.
Төрийн аудитын газрын хэмжээнд 244 санхүүгийн тайланд санхүүгийн тайлангийн баталгаажуулах аудитыг хийж дүгнэлт гаргахаас төсвийн ерөнхийлөн захирагчийн 1 санхүүгийн тайлан, шууд захирагчийн 168 санхүүгийн тайлан, төсвийн төвлөрүүлэн захирагчийн 20 санхүүгийн тайлан, 22 төсөл сан хөтөлбөр, 7 төрийн болон орон нутгийн өмчит аж ахуйн нэгжийн нийт 218 санхүүгийн тайланд дүгнэлт гаргалаа. Цогт сумын Баянтоорой тосгоны Эрүүл мэндийн төв, Захирагчийн алба нь Төрийн аудитын байгууллагад санхүүгийн тайлан, холбогдох баримт материалаа ирүүлээгүй, “Зураг зүйн товчоо” ОНӨААТҮГ, “Орон сууц” ОНӨААТҮГ татан буугдсан гэх шалтгаанаар аудитад хамрагдаагүй, 19 сумдын Эмийн эргэлтийн сангийн Эмийн эргэлтийн сан статус тодорхой бус, улсын бүртгэлийн болон регистрийн дугааргүй хувь хүн үйл ажиллагаа явуулж байгаа, Жижиг дунд үйлдвэрийг дэмжих инкубатор төв үйл ажиллагаа явуулаагүйгээс дүгнэлт гаргаагүй болно. Мөн АШУҮИС-ийн Говь-Алтай дахь салбар сургууль АШУҮИС-ийн хамт ХАК-аар, “АЗЗА” ТӨҮГ ТУЗ-ын шийдвэрээр нэгдсэн байдлаар ХАК-аар аудит хийгдсэн болно.
Санхүүгийн тайлангийн аудитаас 52 байгууллагын санхүүгийн тайлангийн аудитыг хувийн аудитын компанитай гэрээ байгуулан гүйцэтгүүлсэн бөгөөд одоогоор тухайн аудитын байгууллагын гэрээг дүгнэх шатандаа ажиллаж байна.
Санхүүгийн тайлангийн баталгаажуулах аудитаар 147 санхүүгийн тайланд “Зөрчилгүй” санал дүгнэлт /67.4%/, 65 санхүүгийн тайланд “Хязгаарлалттай” санал дүгнэлт /29.8%/, 5 санхүүгийн тайланд “Сөрөг” санал дүгнэлт /2.3%/, 1 санхүүгийн тайланд “Дүгнэлт өгөхөөс татгалзсан” санал дүгнэлт /0.5%/ өглөө.
Танилцуулгыг дараах холбоосоор орж дэлгэрэнгүй байдлаар үзнэ үү.
