Дорноговь аймаг дахь Төрийн аудитын газар – Дотоод сургалт зохион байгууллаа.

Дорноговь аймаг дахь Төрийн аудитын газрын 2018 оны дотоод сургалтын төлөвлөгөөний дагуу доорх сургалтуудыг зохион байгууллаа. Үүнд:

1/ Дорноговь аймгийн Засаг даргын 2017 оны 12 дугаар сарын 05-ны А/828 дугаар захирамжаар тус аймгийн хэмжээнд угийн бичиг хөтлөх ажлыг бүх нийтийн хүртээл болгох, эрчимжүүлэх ажлыг төлөвлөгөө гарган зохион явуулж байна. Энэ ажлын хүрээнд Дорноговь аймаг дахь Төрийн аудитын газраас угийн бичиг хөтлөх ажлыг албан хаагчдад танилцуулах, угийн бичиг хөтөлж сурах дадлага олгох зорилгоор аймгийн ЗДТГ-ын Нийгмийн бодлогын хэлтсийн мэргэжилтэнг урьж дотоод сургалт зохион байгууллаа. /2018.05.09/

2/ Төрийн болон албаны нууцын тухай хуулийн талаарх сургалтыг аймгийн Тагнуулын хэлтсийн ажилтнууд ирж албан хаагчдад төрийн болон албаны нууцын талаар мэдлэг олгох сургалт явууллаа. /2018.05.25/

3/ Аймгийн Шүүхийн тамгын газраас шүүхийн нээлттэй ил тод байдал, шүүхийн шинэчлэл, иргэний хэргийн шүүх, захиргааны хэргийн шүүхийн талаар сургалтыг тус газрын албан хаагчдад зохион байгууллаа. /2018.06.14/