ЗӨВЛӨХ ҮЙЛЧИЛГЭЭНИЙ УРИЛГА

ЗӨВЛӨХ ҮЙЛЧИЛГЭЭНИЙ УРИЛГА

2018-07-02

Үндэсний аудитын газраас гэрээгээр 2018 оны санхүүгийн тайлангийн аудитыг гүйцэтгэх Хараат бус аудитын хуулийн этгээдийг сонгон шалгаруулж, зөвлөх үйлчилгээний гэрээ байгуулах тул зөвлөхийн дэлгэрэнгүй жагсаалтад орох хүсэлтэй хуулийн этгээдийг мэдүүлгээ ирүүлэхийг урьж байна.

Энэхүү зөвлөх үйлчилгээний хүрээнд “2018 оны санхүүгийн тайлангийн аудитыг гүйцэтгэх Хараат бус аудитын хуулийн этгээдийг сонгон шалгаруулах” ажил хийнэ.

Мэдүүлгээ ирүүлж буй зөвлөх хуулийн этгээд нь Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 14-16 дугаар зүйлд заасан шалгуур үзүүлэлт, шаардлага, уг үйлчилгээг гүйцэтгэх чадвартайг нотлох баримт бичгийн баталгаажуулсан хуулбарыг хавсарган ирүүлнэ. Үүнд:

• Улсын бүртгэлийн гэрчилгээ, аудит хийх тусгай зөвшөөрлийн хүчинтэй хугацаа нь тухайн жилд аудит хийх хуулийн цаглабар хугацаатай нийцсэн эсэх (тендерийн явцад тусгай зөвшөөрлийн хугацааг сунгуулахаар эрх бүхий байгууллагад хүргүүлсэн байгаа тохиолдолд тухайн байгууллагаас лавлагаа авсан байх);
• Аудитын компанийн захирал нь мэргэшсэн нягтлан бодогчийн хугацаагүй эрхтэй, Монголын Мэргэшсэн Нягтлан Бодогчдын Институт (ММНБИ)-ээс зохих зөвшөөрөлтэй байх /баталгаажсан хуулбар/;
• Аудитын хуулийн этгээд нь 4-өөс доошгүй үндсэн орон тооны, хугацаагүй эрхтэй мэргэшсэн нягтлан бодогчтой байх;
• Аудитын компанийн захирал болон мэргэшсэн нягтлан бодогчид нь мэргэжлийн ёс зүйн алдаа гаргаагүй талаар Монголын Мэргэшсэн Нягтлан Бодогчдын Институт (ММНБИ)-ийн тодорхойлолттой байх;
• Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 21 дүгээр зүйлийн 21.1 дэх хэсэгт заасан хориглолт, хязгаарлалтыг зөрчөөгүй байх /ҮАГ-тай хамтарч ажиллахад ашиг сонирхлын зөрчилтэй эсэхийг мэдэгдсэн албан бичиг, аудиторуудын мэдэгдэл/;
• Аудиторууд нь аудитын ажил хийж гүйцэтгэсэн 2-оос доошгүй жилийн туршлагатай байх /нийгмийн даатгалын цахим лавлагаа/, (Хэрэв улсын салбарт аудит хийсэн туршлага шаардлагатай бол тендерийн баримт бичигт тусгайлан заана);
• Компаний туршлагыг харуулахуйц нотлох баримтыг хавсаргах.

/Материалд ирүүлсэн тодорхойлолт, сертификат болон бусад нотлох баримтын хуулбарыг үнэлгээнд харгалзан үзнэ./

Сонирхсон этгээд нэмэлт мэдээллийг авч болох бөгөөд саналаа Төрийн Худалдан авах ажиллагааны цахим систем www.tender.gov.mn хаягаар 2018 оны 07 дугаар сарын 16-ны өдрийн 11.00 цагаас өмнө ирүүлнэ үү.

      Монгол улс, Улаанбаатар хот,

 Чингэлтэй дүүрэг, Бага тойруу-3, Засгийн газрын IV байр,                                                                                      Үндэсний аудитын газар, 3 давхар 316 тоот, Утас:(11) 329870