Дундговь: Нээлттэй хаалганы өдөрлөг-4 арга хэмжээ зохион байгууллаа.

Дундговь аймаг дахь Төрийн аудитын газраас төрийн аудитын байгууллагын зорилго, чиг үүргийг иргэдэд үнэн зөвөөр хүргэж ойлгуулах, тэдний санал бодлыг сонсох зорилгоор 2018 оны 06 дугаар сарын 29-ний өдөр Эрдэнэдалай, Сайхан-Овоо суманд “Таныг сонсъё” нээлттэй хаалганы өдөрлөг зохион байгууллаа.

Өдөрлөгийн хүрээнд 2017 оны санхүүгийн тайланд хийсэн аудитын дүн, 2018 онд хийх аудитыг танилцуулж, 2019 онд хийх аудитын сэдвийн санал авах, аудитын байгууллагын үйл ажиллагааг үнэлэх, Шилэн дансны тухай хууль, Орон нутгийн хөгжлийн сангийн журмын хэрэгжилттэй холбоотой асуудлуудаар санал асуулга авч дүнг нэгтгэх,  цаашид хэрэгжүүлэх ажлын төлөвлөгөөнд тусган ажиллахаар шийдвэрлэв.

Сумдын төсвийн шууд захирагч болон төвлрүүлэн захирагч нар, санхүү бүртгэлийн ажилтнуудын ажилтай газар дээр нь танилцаж, аудитаар тавигдсан акт, албан шаардлага, зөвлөмжийн хэрэгжилтийг шалган туслаж, зөвлөгөө өгөх ажлыг зохион байгууллаа.

Арга хэмжээнд нийт 110 орчим иргэд, хөдөлмөрчид оролцож төрийн аудитын байгууллагын үйл ажиллагаа, чиг үүрэгтэй холбоотой мэдээлэл авч, иргэдийн дунд нээлттэй хаалганы өдөрлөг зохион байгуулж буйд талархалтай хандаж байлаа.