УИХ-ын дэргэдэх байгууллагуудын “Шилжин явах цом-2015″ спорт урлагийн тэмцээн амжилттай зохион байгуулагдаж байна

УИХ-ын дэргэдэх байгууллагуудын “Шилжин явах цом-2015″ Спорт урлагийн тэмцээн амжилттай зохион байгуулагдаж байна. Тус тэмцээнд Улсын Их Хурлын Тамгын газар, Үндэсний аудитын газар, Монгол банк, Санхүүгийн зохицуулах хороо, Авилгатай тэмцэх газар, Сонгуулийн ерөнхий хороо, Үндэсний статистикийн хороо, Хүний эрхийн үндэсний комисс, Төрийн албаны зөвлөл зэрэг 9 байгууллага оролцож, 2015.05.09-ны өдөр хөл бөмбөг, ширээний теннисний төрлөөр шилжин явах цомын тэмцээн эхэллээ.

Тэмцээнд нийт 18 баг тамирчид өрсөлдөн шилдэгүүдээ тодруулаад байна. Ширээний теннисний тэмцээнд байгууллагын нийлбэр дүнгээр Монгол банк 1-р байр, Үндэсний аудитын газар 2-р байр, Улсын Их Хурлын Тамгын газар 3-р байрыг тус тус эзэллээ.

Энэхүү урлаг, спортын наадам 2015 оны 05 дугаар сарын 09-23-ны өдрүүдэд зохион байгуулагдах ба энэ хүрээнд хөл бөмбөг, гар бөмбөг, сагсан бөмбөг, ширээний теннис, биллиард, дартс, шатар, урлагийн арга хэмжээ гэсэн төрлүүдээр үргэлжлэх юм.