МОНГОЛ УЛСЫН ЕРӨНХИЙ АУДИТОР Д.ХҮРЭЛБААТАРЫН УРИЛГААР БНХАУ-ЫН ЕРӨНХИЙ АУДИТОР ХАТАГТАЙ ХУ ЗЭЖҮН ТЭРГҮҮТЭЙ ТӨЛӨӨЛӨГЧИД АЛБАН АЙЛЧЛАЛ ХИЙЖ БАЙНА
БНХАУ-ын ерөнхий аудитор хатагтай Ху Зэжүн тэргүүтэй төлөөлөгчид МУЕА Д.Хүрэлбаатарын урилгаар Монгол улсын Үндэсний Аудитын газарт 2018 оны 7 сарын 7-оос 9-ны өдрүүдэд албан айлчлал хийж байна.
Түүнийг дагалдан ноён Вэй Кианг /ҮАГ-ын Тамгын газрын ерөнхий захирал/, ноён Жиан Хиаянг /ҮАГ-ын Олон улсын хамтын ажиллагааны газрын Ерөнхий захирал/ ноён Чен Гуан /ҮАГ-ын Вухан дахь орон нутгийн аудитын газрын ерөнхий захирал/, ноён Зу Зан /ҮАГ-ын Олон улсын хамтын ажиллагааны газрын захирал/, хатагтай Ван Тин /ҮАГ-ын Тамгын газрын орлогч захирал зэрэг албаны хүмүүс хүрэлцэн ирлээ.
БНХАУ-ын Ерөнхий аудитор хатагтай Ху Зэжүн нь 2017 оны 4 дүгээр сард томилогдсон бөгөөд Хятадын 6 дахь Ерөнхий аудитор юм. Тэрээр анх удаагаа Монгол улсад ирж байгаа юм байна.
Монгол улсын Үндэсний аудитын газар болон БНХАУ-ын Үндэсний аудитын газрын хоорондын 2018-2020 оны хамтын ажиллагааны хөтөлбөрт гарын үсэг зурлаа.
Энэхүү хамтын ажиллагааны санамж бичгийн хүрээнд найрсаг хамтын ажиллагаагаа хүндэтгэн дээдэлж, БНХАУ-ын Үндэсний аудитын газрын үйл ажиллагааг олон улсын түвшинд дэмжиж ажиллан, хоёр орны Аудитын дээд байгууллагуудын цаашдын харилцаа, хамтын ажиллагааны талаар санал солилцлоо.
Сонирхуулахад, Хятадын Үндэсний аудитын газар нь яам агентлагуудад байрлах 20 дагуул аудитын алба, хамгийн том 18 хотод байрлах бүсийн аудитын албуудтай. Тус бүсийн алба, дагуул албууд Хятадын Үндэсний аудитын газарт шууд харьяалагдаж, өөрсдийн ажлыг Хятад улсын Ерөнхий аудиторт тайлагнах үүрэгтэй. Түүнчлэн 10 харьяа нэгжтэй ажилладаг юм байна.
Одоо Монгол Улсын Үндэсний Аудитын газар БНХАУ, БНСУ, ОХУ, Турк, Кувейт, Англи, Герман, Норвеги, Киргиз зэрэг улсуудтай хамтын ажиллагаагаа өргөжүүлэн хөгжүүлж ажиллаж байна.