Дорнод аймаг дахь Төрийн аудитын газар: “Намрын сургалтын сарын аян”-ы нээлтийг хийлээ.
17:12 08 сарын 29 өдөр 2018 он
Дорнод аймаг дахь Төрийн аудитын газрын дарга бөгөөд Тэргүүлэх аудиторын баталсан Мэргэжлийн тасралтгүй сургалтын төлөвлөгөөний дагуу “Намрын сургалтын сарын аян”-ы нээлтийг хийлээ. Нээлтээр Төрийн болон албаны нууцын тухай хууль болон МУЕА-ын 2018 оны А/108 дугаар тушаалаар батлагдсан “Төрийн аудитын байгууллагын төрийн болон албаны нууц хамгаалах дотоод журам”-ыг хэрэгжүүлэх талаар нууц хамгаалах ажилтан, “Аудитын менежерүүдэд хийгдсэн сургалтын талаарх мэдээлэл, анхаарах зүйлс”, “Гүйцэтгэлийн аудитын чанарт гарах эрсдэл, түүнийг бууруулах” сэдвүүдээр аудитын менежер тус тус сургалт хийлээ. Сургалтын үр өгөөжийг сайжруулах зорилгоор шинэлэг хэлбэрээр зохион байгуулж, аудиторуудын тэгш оролцоог хангасан хэлэлцүүлэг өрнүүллээ.
