ХЭНТИЙ АЙМАГ ДАХЬ ТӨРИЙН АУДИТЫН ГАЗАР- Гүйцэтгэлийн аудитын явцын уулзалтыг хийлээ.
Хэнтий аймгийн 2018 оны аудитын төлөвлөгөөнд аймгийн ИТХ-ын хүсэлтээр хийхээр тусгагдсан “Хэнтий аймгийн хэмжээнд хэрэгжиж буй “Малжуулах төсөл” хөтөлбөрийн 2014-2017 оны ажиллагааны үр дүн” гүйцэтгэлийн аудитын төлөвлөгөө, хөтөлбөр болон аудитын явцын талаар холбогдох албан тушаалтнуудтай уулзалтыг хийлээ.
Уг аудитаар 2014-2017 онд аймгийн Хөдөлмөр эрхлэлтийг дэмжих сангаас “Малчдын хөдөлмөр эрхлэлтийг дэмжих хөтөлбөр”-ийн хүрээнд 2014-2017 онд сумдад хэрэгжүүлсэн малчин өрхийг малжуулах арга хэмжээг үр дүнтэй зохион байгуулсан эсэх, төсөлд хамрагдсан малчин өрхийг мал аж ахуй эрхлэх сургалтанд хамруулсан эсэх, төслийн хэрэгжилтийн үр дүнг тооцож, хяналт тавьж ажилласан эсэх талаар шалгаж, дүгнэлт өгөх юм.
Аудитын уулзалтад Хэнтий аймаг дахь Төрийн аудитын газрын ахлах аудитор Н.Туяа, аудитор Ц.Энхтүвшин болон аймгийн Хөдөлмөр халамж үйлчилгээний газрын Хөдөлмөр эрхлэлтийн хэлтсийн дарга Д.Баярмаа, төсөл хөтөлбөр хариуцсан ажилтан А.Пүрэвдолгор, Хөдөлмөр эрхлэлтийн дэмжих сангийн нягтлан бодогч Д.Ганшуурга нар оролцлоо.
