ХЭНТИЙ АЙМАГ ДАХЬ ТӨРИЙН АУДИТЫН ГАЗАР- АУДИТЫН НЭЭЛТ ХИЙЛЭЭ.
Монгол улсын Ерөнхий аудиторын 2018 оны А\125 дугаар тушаалын 1 дүгээр хавсралтаар батлагдсан 2018 онд хийх аудитын төлөвлөгөөний дагуу Хэнтий аймаг дахь Төрийн аудитын газрын бүрэн эрхийн хүрээнд “Төрийн сангийн тогтолцоо, үйл ажиллагааны үр дүн”, “2018 оны төсвийн тухай хуулийн хэрэгжилтийн явц”-д хийх аудитын нээлтийг 2018 оны 09 дүгээр сарын 12-ны өдөр Тэргүүлэх аудиторын өрөөнд хийлээ.
Аудитын нээлтэд аймгийн Засаг даргын орлогч Г.Хэрлэнчулуун, СТСХ-ийн дарга С.Нямдаваа, ерөнхий нягтлан бодогч Б.Оргодол, төсвийн орлого зарлага хариуцсан мэргэжилтнүүд болон тэргүүлэх аудитор Ч.Эрдэнэбаатар, аудитын менежер Д.Оюунтуяа, ахлах аудитор Б.Наранцэцэг, Н.Туяа, санхүүгийн аудитын багийн аудиторууд оролцож, аудитын зорилгыг танилцуулж, санал бодлоо солилцов.
