Төрийн албан хаагчийн үнэт зүйл сэдэвт сургалт зохион байгуулагдлаа
11:35 09 сарын 18 өдөр 2018 он
Үндэсний аудитын газрын хүний нөөцийн хэлтэс, Удирдлагын академитай хамтран “Төрийн албан хаагчийн үнэт зүйл” сэдвээр нийт ажилтнуудын дунд 2018 оны есдүгээр сарын 14-ны өдөр сургалт зохион байгууллаа. Сургалтанд нийт 52 албан хаагч хамрагдсан бөгөөд Удирдлагын академийн багш н.Хэрлэн үнэт зүйл сэдвээр дэлгэрэнгүй лекц уншиж, асуултанд хариулав.
Сургалтанд хамрагдсан албан хаагчид Удирдлагын академи, Солонгосын ерөнхий сайдын дэргэдэх Солонгосын Төрийн Захиргааны Институттэй (KIPA) хамтран монгол, солонгосын төрийн жинхэнэ албан хаагчдын үнэт зүйлсийн харьцуулсан судалгааг бөглөсөн юм. Судалгааны дүн цаашид захиргааны байгууллагуудын чадавхийг бэхжүүлэхэд чиглэсэн төрийн бодлого боловсруулахад шинжлэх ухааны үндэслэл болох учиртай аж.
