Говь-Алтай аймаг дахь Төрийн аудитын газраас ОНХС, СХС-ийн хөрөнгийн зарцуулалт, үр дүнд хийх нийцлийн аудитын нээлт хийлээ.

Монгол улсын Их хурлын Төсвийн байнгын хорооны 2018 оны “Аудитын сэдэв батлах тухай” 03 дугаар тогтоол, Монгол улсын Ерөнхий аудиторын 2018 оны А/125 дугаар тушаалаар баталсан 2018 онд хийх аудитын төлөвлөгөөний дагуу Говь-Алтай аймаг дахь Төрийн аудитын газрын бүрэн эрхийн хүрээнд  “ОНХС, СХС-ийн хөрөнгийн зарцуулалт, үр дүн-д хийх нийцлийн аудитын нээлтийг 2018 оны 9 сарын 19-ны өдөр хийлээ. Нээлтэнд аймгийн удирдлагууд, ЗДТГ-ын холбогдох  албан тушаалтан, мэргэжилтэнүүд хамрагдав. Мөн тус аудитаар сумдад 2 чиглэлээр ажлын хэсэг ажиллаж байна.