“УЛСЫН ИХ ХУРЛЫН ЦОМ-2015” УРЛАГ СПОРТЫН ТЭМЦЭЭНИЙ ШИЛДЭГҮҮД ТОДОРЛОО.
Монгол Улсад байнгын ажиллагаатай парламент байгуулагдсаны 25 жилийн ойн хүрээнд зохион байгуулж байгаа “Улсын Их Хурлын цом-2015” урлаг, спортын наадмын үйл ажиллагаа /2015.05.23/нд Хандгайт дахь Д.Содномзундуйн нэрэмжит Монголын үндэсний сагсан бөмбөгийн ордонд боллоо. “Улсын Их Хурлын цом-2015” урлаг, спортын наадамд Монгол Улсын Их Хуралд ажлаа хариуцан тайлагнадаг байгууллагууд болох Үндэсний аудитын газар, Авлигатай тэмцэх газар, Монголбанк, Үндэсний статистикийн хороо, Санхүүгийн зохицуулах хороо, Сонгуулийн ерөнхий хороо, Төрийн албаны зөвлөл, Хүний эрхийн үндэсний комиссын баг тамирчид, хөгжөөн дэмжигчид оролцлоо.
“Улсын Их Хурлын цом-2015” урлаг спортын тэмцээний гар бөмбөг, сагсан бөмбөгийн нээлтийн ажиллагааг УИХ-ын дарга З.Энхболд нээж “…Төрийн албанд хүчин зүтгэж, улс орныхоо хөгжилд өөр өөрийн хувь нэмрээ оруулж ирсэн Та бүхэн төрийн албаны хариуцлагатай, нөр их ажлынхаа зэрэгцээ чөлөөт цагаараа хамт олноороо эрүүл амьдралын үндэс болсон спортоор хичээллэж, урлагийн авъяасаа хөгжүүлэн, энэ арга хэмжээнд идэвхтэй оролцож байгаад баяртай байна. Та бүхний ажил үйлсэд амжилт хүсье…” гэлээ.
Шагнал гардуулах ёслолд УИХ-ын гишүүн, Хүн амын хөгжил, нийгмийн хамгааллын сайд С.Эрдэнэ, УИХ-ын гишүүн Д.Арвин, Г.Баярсайхан, С.Одонтуяа нар, УИХ-д ажлаа тайлагнадаг байгууллагын удирдлагууд хөлбөмбөг, теннис, биллиард, дартсын тэмцээний аваргуудын шагналыг гардуулсан юм.
Үндэсний аудитын газар дараах спортын төрлүүдээр амжилт гаргаж алт, мөнгө, хүрэл медалийн эзэд боллоо.
Биллиард – эмэгтэй төрөлд Л.Дулмаа 1-р байр эзэлж алтан медаль,
Ширээний теннис- эрэгтэй төрөлд Ч.Батмөнгөн 2-р байр эзэлж мөнгөн медаль,
Волейбол- холимог баг : З.Болд, Б.Хаш-Эрдэнэ, Х.Энх-Амгалан, Д.Энхболд, Б.Гоцбаяр, Ш.Мөнхбаяр, Э.Уянга, Я.Алтанцэцэг, Б.Мөнхтуяа, Д.Нарантуяа нар 3-р байр эзэлж хүрэл медаль тус тус хүртэж амжилт гаргалаа.
Спортын 7-н төрлийн тэмцээний нийт дүнгээр Монгол банкны баг тамирчид тэргүүлэн “Улсын Их Хурлын цом-2015” урлаг, спортын наадмын цомын эзэн болж, харин хоёрдугаар байранд УИХ-ын Тамгын газар, гуравдугаар байранд Үндэсний статистикийн хорооны баг тамирчид шалгарсан юм.
