АХМАД НАСТАНГУУДДАА ХҮНДЭТГЭЛ ҮЗҮҮЛЛЭЭ
15:45 10 сарын 01 өдөр 2018 он
Олон улсын ахмадын баярыг тохиолдуулан Төрийн аудитын байгууллага 2018 оны есдүгээр сарын 28-ны өдөр ахмад настангуудаа хүлээн авч хүндэтгэл үзүүллээ. Төрийн аудитын байгууллагын түүхийг бичилцсэн үе үеийн нийт 50 гаруй настан буурлууд цугларсан юм.
Үндэсний аудитын газрын ажилчид ахмад ажилчиддаа гарын бэлэг гардуулан, дуучин Ж.Эрдэнэцэцэгийн “Намрын дурдатгал” нэртэй тайлан тоглолтыг үзэх урилгыг бэлэглэлээ.
Улс орныхоо хөгжил цэцэглэлтийн төлөө ажиллаж өдгөө гавъяаныхаа амралтыг эдлэн суугаа Төрийн аудитын байгууллагын нийт ахмадууддаа эрүүл энхийг хүсье.
