АУДИТОРУУД БНСУ-Д ТУРШЛАГА СУДЛАХ, СУРАЛЦАХ БОЛОМЖТОЙ БОЛЛОО
Монгол Улсын Ерөнхий аудитор Д.Хүрэлбаатар БНСУ-ын хяналт, шалгалт ба аудитын зөвлөлийн дарга Чой Жахёонгтой 2018 оны есдүгээр сарын 27-ны өдөр уулзаж, БНСУ болон Монгол Улсын аудитын дээд байгууллагуудын хоорондын хоёр талт харилцаа, хамтын ажиллагаа тогтоож, хөгжүүлэх чиглэлээр санал солилцлоо.
Уулзалтын үеэр мэдээлэл технологийн аудитын чиглэлээр Монгол Улсын Төрийн аудитын байгууллагын аудиторуудыг БНСУ-ын Хяналт шалгалт бас аудитын зөвлөлийн дэргэдэх сургалт судалгааны төвөөс туршлага судлах,сургах, хамтын ажиллагаа тогтоох болон аудитын сургагч багш нарыг сургах, бэлтгэх чиглэлээр хамтран ажиллахаар тохиролцов.
Мөн Ерөнхий аудитор Д.Хүрэлбаатар БНСУ-ын хяналт шалгалт ба аудитын зөвлөлийн дарга Чой Жахёонгийг 2019 онд Монгол Улсын Үндэсний аудитын газарт айлчлахыг албан ёсоор урьж, урилгыг гардуулсан юм.
БНСУ-ын Хяналт, шалгалт ба аудитын зөвлөлийн дарга Чой Жахёонг 2019 онд Монголын Үндэсний аудитын газарт айлчлах үеэр хоёр орны аудитын дээд байгууллагуудын хооронд хамтран ажиллах тухай харилцан ойлголцлын санамж бичигт гарын үсэг зурахаар төлөвлөж байна.
