Дорноговь аймаг дахь ТАГ – Гүйцэтгэлийн аудитын хэлэлцүүлэг хийлээ
09:27 10 сарын 05 өдөр 2018 он
Аймгийн ИТХ-ын захиалгаар хийгдэж буй “Үдийн цай хөтөлбөрийн хэрэгжилт” сэдэвт гүйцэтгэлийн аудитын онилсон бүлгийн хэлэлцүүлэг зохион байгууллаа. Хэлэлцүүлэгт аймгийн Боловсрол соёл, урлагийн газрын бага дунд боловсрол хариуцсан мэргэжилтэн, төсвийн мэргэжилтэн, аймгийн Мэргэжлийн хяналтын газрын улсын байцаагч, Сайншанд сумын 10 жилийн сургуулиудын захирал, бага бүлгийн сургалтын менежер, сургуулийн эмч, эцэг эхийн төлөөлөл нар оролцлоо.
Хэлэлцүүлгээр Үдийн цай хөтөлбөрт олгож буй хөрөнгийн зарцуулалт, бүтээгдэхүүний нийлүүлэлт, чанар, эрүүл ахуйн байдал, хөтөлбөрийн ололттой болон сул талууд, орон нутагт тулгамдаж буй асуудлууд зэргийг хэлэлцэн санал солилцож, хэлэлцүүлгээс гарсан саналыг аудитад анхаарч ажиллахаар шийдвэрлэлээ.
