Сүхбаатар аймаг дахь Төрийн аудитын газрын Дарга, тэргүүлэх аудитор нь Онцгой байдлын ерөнхий газраас тус аймагт зохион байгуулж байгаа Гамшгаас хамгаалах иж бүрэн сургуульд оролцлоо.

 Монгол Улсын Шадар сайдын Сүхбаатар аймгийн Засаг даргатай байгуулсан үр дүнгийн гэрээний дагуу Онцгой байдлын ерөнхий газраас тус аймагт зохион байгуулж байгаа Гамшгаас хамгаалах иж бүрэн сургууль 2018.09.25-2018.09.28-ны өдрүүдэд зохион байгуулагдаж Сүхбаатар аймаг дахь Төрийн аудитын газрын дарга, Тэргүүлэх аудитор М.Нарантуяа оролцож “Идэвхитэн албан хаагч”-аар шагнагдлаа.

Иж бүрэн сургуулийн хүрээнд “Яаралтай цуглар” дохиогоор аймгийн Онцгой комисс, орон нутгийн гамшгаас хамгаалах 12 алба, ерөнхий зориулалтын 13, тусгай зориулалттай 24 мэргэжлийн ангийн нийт 700  гаруй хүн, 63 техник, багаж зэвсэглэмжтэйгээр цугларч, бэлтгэл, бэлэн байдлаа шалгуулан, гамшгаас хамгаалах төлөвлөлт, тэдгээрийн харилцан ажиллагаа” сэдвийн хүрээнд газар хөдлөлт, хүн, мал амьтны гоц халдварт өвчин, хүчтэй цасан шуурга, ой, хээрийн түймрийн нөхцөл байдлыг үнэлж цагийн байдлаар үргэлжүүлэн ажилласан юм. Мөн Баруун-Урт сумыг “нүүн шилжүүлэх”, Сүхбаатар сумыг “нүүлгэн шилжүүлэх”, газар хөдлөлтийн үед нурангиас аврах ажиллагаа, хээрийн хүн эмнэлэг дэлгэх, хүн малын гоц халдварт өвчний үед хорио цээрийн дэглэм тогтоох, хээрийн мал эмнэлэг дэлгэх үзүүлэх,  дадлага сургуулиуд болж өнгөрлөө.