ТӨРИЙН АУДИТЫН БАЙГУУЛЛАГЫН ЗҮҮН БҮСИЙН СУРГАЛТ ЭХЭЛЛЭЭ

Төрийн аудитын байгууллагын мэргэшлийн тасралтгүй сургалтын хөтөлбөрийн  хүрээнд Зүүн бүсийн сургалт 2018 оны 10 дугаар сарын 08-нд Дорнод аймгийн Чойбалсан хотод нээлтээ хийлээ.

Үндэсний аудитын Газрын Стратеги Удирдлагын Газар болон Тамгын Газрын ажилчид Төрийн Аудитын Байгууллагын албан хаагчдад сургалтын хөтөлбөрийн хүрээнд шаардлагатай мэдээллийг хүргэн  орон нутагт ажиллаж байна.

2018 оны бүсчилсэн сургалт баруун болон зүүн гэсэн 2 чиглэлд зохион байгуулагдаж байгаа бөгөөд зүүн бүсийн сургалтанд Дорнод, Хэнтий, Сүхбаатар, Дорноговь, Дундговь, Төв, Өмнөговь, Говьсүмбэр, Баянхонгор, Архангай, Өвөрхангай аймгууд хамрагдана. Баруун бүсийн сургалтанд Говь-Алтай, Баян-Өлгий, Ховд, Увс, Завхан, Хөвсгөл, Булган, Орхон, Сэлэнгэ, Дархан-Уул  аймгууд  4 бүсэд хуваагдан хамрагдана.

Сургалт 2018 оны 10 дугаар сарын 08-28-ны өдрийн хооронд  явагдана.

Зүүн бүсний сургалтанд Хэнтий, Дорнод, Сүхбаатар, аймаг дахь Төрийн аудитын газрын нийт 34 аудитор оролцож мэдээлэл авч  байна. Сургалтын үеэр  Төрийн аудитын байгууллагаас санхүүгийн тайлангийн аудит хийх шинэ журам, санхүүгийн болон гүйцэтгэлийн аудитын арга зүй, аргачлалын өөрчлөлт, шинэчлэлийн талаар яригдах бөгөөд Төрийн аудитын байгууллагын харилцагч талуудын оролцооны стратегийн бодлогын баримт бичиг боловсруулахад орон нутаг дахь Төрийн аудитын газрын аудиторуудаас санал авч хэлэлцүүлэг явуулна.

Төрийн аудитын байгууллагын дотоод үйл ажиллагааг улам сайжруулахад шаардлагатай хууль, дүрэм, журмын талаар мэдээлэл өгөх ихээхэн онцлогтой сургалт болж байна.