Баян-Өлгий, Ховд, Увс аймаг дахь Төрийн Аудитын газрын ажилтнууд “Үндэсний Аудитын Газрын чадавхийг бэхжүүлэх төсөл”-ийн хүрээнд Баян-Өлгий аймагт сургалтанд хамрагдаж байна

Төрийн аудитын байгууллагын “2018 оны сургалтын нэгдсэн төлөвлөгөө”-ний дагуу Дэлхийн банкны буцалтгүй тусламжаар хэрэгжүүлж буй “Үндэсний Аудитын Газрын чадавхийг бэхжүүлэх төсөл”-ийн хүрээнд албан хаагчдын мэргэшил, ур чадварыг дээшлүүлэх Баруун бүсийн сургалт 2018 оны 10 дугаар сарын 14-ний өдөр Баян-Өлгий аймагтаа эхэллээ.

Уг сургалтад Баян-Өлгий, Ховд, Увс аймаг дахь Төрийн Аудитын газрын нийт албан хаагчид оролцож байгаа бөгөөд сургалтыг ҮАГ-ын Тамгын газрын Хүний нөөцийн албаны менежер Ж.Дэмчигсүрэн нээв.

Тус сургалтаар Тамгын газрын Хүний нөөцийн албаны менежер Ж.Дэмчигсүрэн, СУГ-ын арга зүйн аудитын менежер Ж.Батсайхан, СУГ-ын ахлах шинжээч П.Цэнгүүн, СУГ-ын шинжээч М.Доржханд нар Санхүүгийн тайлангийн аудитын шинэчилсэн журам, санхүүгийн болон гүйцэтгэлийн аудитын арга зүй, төрийн алба, төрийн болон албаны нууцын тухай, архив албан хэрэг хөтлөлт, төрийн албан хаагчийн ёс зүй, Төрийн аудитын байгууллагын харилцагч талуудын оролцооны стратегийн талаарх сэдвүүдээр 2 өдрийн сургалт зааж байна.