Хөвсгөл аймаг дахь Төрийн аудитын газрын аудиторууд “Бүх нийтийн мод тарих үндэсний өдөр”-ийг тохиолдуулан мод тарьлаа.

Монгол улсын Ерөнхийлөгчийн зарлигаар жил бүрийн тав, аравдугаар сарын хоёр дахь долоо хоногийн бямба гарагийг “Бүх нийтээр мод тарих үндэсний өдөр” хэмээн зарласан. Энэ өдөр бүх нийтээр байгаль эхээ дээдлэх үзлийг түгээн дэлгэрүүлж, мод тарих, ногоожуулах хөдөлгөөнийг олон нийтийн үйлс болгон өрнүүлдэг уламжлалтай.

Энэхүү өдрийг тохиолдуулан Хөвсгөл аймаг дахь Төрийн аудитын газрын аудиторууд аймаг, орон нутгийнхаа бүтээн байгуулалт, ногоон байгууламжийг нэмэгдүүлэх зорилгоор өнгөрсөн амралтын өдөр буюу 2018 оны 10 дугаар сарын 13-ны өдөр мод тарьж, ногоон байгууламж доторх талбайг цэвэрлэлээ. Мод тарих нь эх дэлхийдээ зориулж буй хамгийн том буян гэдэг. Нэг мод таривал энэ насны буян, хоёр мод таривал хойд насны буян хэмээн монголчууд ярьдаг бөгөөд хүн болж төрөөд заавал хийх ёстой үйлийн нэгд мод тарих ажил зүй ёсоор ордог байна.