Дундговь: Нийцлийн аудитуудаар сумдад ажиллаж байна.

Дундговь аймаг дахь Төрийн аудитын газар Үндэсний аудитын газрын нэгдсэн удирдамжаар  “Орон нутгийн хөгжлийн сан, Сум хөгжүүлэх сангийн зарцуулалт үр дүн” “Шилэн дансны тухай хуулийн хэрэгжилт”-д хийж буй нийцлийн аудитаар Дэрэн, Цагаандэлгэр, Баянжаргалан, Өндөршил, Гурвансайхан сумдад ажиллаж байна.

Сумдад ажиллахдаа сум, байгууллагуудаас ирүүлсэн судалгааг үндэслэн орон нутгийн хөгжлийн сангийн хөрөнгөөр хийгдсэн хөрөнгө оруулалтыг газар дээр нь анхан шатны баримтуудтай тулган баталгаажуулах, хөрөнгө оруулалтын ашиглалт, үр өгөөжийг судлах, Сум хөгжүүлэх сангаас зээл авч үйл ажиллагаа эрхэлж байгаа төсөл хэрэгжүүлэгч нартай уулзаж, төслийн үр дүнтэй танилцах, байгууллагуудын шилэн дансны мэдээлэл оруулсан байдлыг тулган баталгаажуулах зэрэг ажлуудыг гүйцэтгэж, аудитын төлөвлөгөө, хөтөлбөрийн зорилтыг хэрэгжүүлэх юм.

Мөн өмнөх аудитаар тогтоосон төлбөрийн акт, өгсөн албан шаардлага, зөвлөмжийн хэрэгжилтийг газар дээр нь шалгах ажил хийгдэнэ.

ДУНДГОВЬ АЙМАГ ДАХЬ ТӨРИЙН АУДИТЫН ГАЗАР