БНСУ-ЫН АУДИТЫН БАЙГУУЛЛАГЫН ТУРШЛАГА СУДЛАВ
БНСУ-ын Аудит ба хяналт шалгалтын судалгааны институтийн урилгаар Монгол дахь Дэлхийн банкны төслийн санхүүжилтээр БНСУ-ын нийслэл Сөүл хотноо болсон “Аудитын үйл ажиллагаанд иргэдийг оролцуулах стратеги болон туршлага солилцох айлчлал”-д Монгол Улсын Ерөнхий аудиторын зөвлөх А.Энхбат тэргүүтэй төлөөлөгчид 2018 оны 10-дугаар сарын 15-16-ны өдрүүдэд оролцлоо.
Туршлага солилцох айлчлалын хүрээнд БНСУ-ын Аудит ба хяналт шалгалтын судалгааны институтээс аудитын үйл ажиллагаанд иргэдийг оролцуулдаг туршлагаа дэлгэрэнгүй танилцууллаа. Төлөөлөгчид Сөүл хотын Аудит ба хяналт шалгалтын комисст зочилж төсвийн төлөвлөлтийн үйл ажиллагаанд иргэдийг хэрхэн оролцуулдаг талаар туршлага судаллаа.
Тус айлчлалд Үндэсний аудитын газрын Стратегийн удирдлагын газрын менежер С.Төмөрхүү, Аудитын иргэний танхимын гишүүн Б.Батбаяр, Сангийн Яамны Төрийн сангийн газрын хэлтсийн дарга Н.Мөнхсүх нар оролцсон.
