АУДИТЫН ИРГЭНИЙ ТАНХИМЫН ГИШҮҮД ХУРАЛДЛАА
Төрийн аудитын тухай хуулийн 16 дугаар зүйлийн 16.2-т заасан “Үндэсний аудитын газар төрийн аудитын байгууллагын аудитын хэтийн болон жилийн төлөвлөгөө боловсруулахдаа иргэд, олон нийтийн анхааралд байгаа үнэн зөв хариу хүссэн аудитын сэдвийг сонгож, хүний болон санхүүгийн нөөц, хугацаа, хүрэх үр дүнг тусган Улсын Их Хурлын Төсвийн байнгын хороонд танилцуулж, шийдвэр гаргуулна.” заалтыг хэрэгжүүлэх зорилгоор Монгол Улсын Төрийн аудитын байгууллага болон иргэд, олон нийт, төрийн бус байгууллагуудын хоорондын хамтын ажиллагааны тогтолцоог бий болгох, төрийн аудитын чанар, үр дүнг дээшлүүлэх, иргэд, олон нийтийн оролцоог төрийн аудитын үйл ажиллагаанд татан оролцуулах, иргэд, олон нийтэд ил тод нээлттэй үнэн зөв мэдээллийг хүргэх үндсэн чиг үүрэг бүхий Аудитын Иргэний танхимыг Монгол Улсын Ерөнхий аудиторын дэргэд орон тооны бус хэлбэрээр ажиллуулахаар шийдвэрлэж Монгол Улсын Ерөнхий аудиторын 2017 оны А/228 тоот тушаалаар “Аудитын иргэний танхим болон Аудитын иргэдийн бүлгийн үйл ажиллагааны дүрэм”-ийг батлан, Аудитын иргэний танхимын гишүүдийг томилсон.
Ийнхүү Аудитын иргэний танхимын гишүүдийн ээлжит хурал 2018 оны 10 сарын 05-ны өдрийн 14 цаг 30 минутанд Засгийн газрын 4 байрны 412 тоот өрөөнд хуралдсан. Хурлын хураангуй тэмдэглэлтэй танилцах бол энд дарна уу.
