СЭЛЭНГЭ АЙМАГ ДАХЬ ТӨРИЙН АУДИТЫН ГАЗАР-БҮСИЙН СУРГАЛТ ЗОХИОН БАЙГУУЛАГДЛАА

Төрийн аудитын байгууллагын ажилтнуудын  2018 оны бүсчилсэн сургалт Сэлэнгэ аймагт 10 дугаар сарын 25-27-ны өдрүүдэд амжилттай зохион байгуулагдаж, өндөрлөлөө.

ҮАГ-ын сургалтын багийнхны Төрийн албаны тухай хууль, Төрийн болон албаны нууцын тухай хууль, Авлигын эсрэг хууль, “Санхүүгийн тайлангийн аудит хийх шинэчилсэн журам“, Төрийн аудитын байгууллагын харилцагч талуудын оролцооны стратеги”, “Гүйцэтгэлийн аудит дахь эрсдэлийн үнэлгээ”, “Архив, албан хэрэг хөтлөлтийн стандарт, үндсэн заавар” зэрэг сэдвүүдээр зохион байгуулсан сургалтад Сэлэнгэ, Дархан-Уул аймаг дахь Төрийн аудитын газрын ажилтнууд хамрагдав.

Сургалтын үеэр Төрийн аудитын байгууллагад 5, 10 жил ажилласан албан хаагч нараас  авсан мэргэжлийн түвшин тогтоох шалгалтад Сэлэнгэ аймаг дахь Төрийн аудитын газрын ахлах аудитор С.Бат-Эрдэнэ, С.Баасансүрэн, Ц.Отгонбаяр, аудитор Б.Эрдэнэзул, Дархан-Уул аймгийн Төрийн аудитын газрын ахлах аудитор Х.Сувдмаа нар хамрагдан, амжилттай дүгнэгдлээ.