AUDIT CUP 2018 СПОРТЫН ИХ НААДАМ АМЖИЛТТАЙ БОЛЖ ӨНДӨРЛӨЛӨӨ

Монголын Мэргэшсэн Нягтлан Бодогчдын Институт нь Мэжик консалтинг аудит ХХК хамтран жил бүр зохион байгуулагддаг AUDIT CUP спортын их наадмыг “We are one family” уриан дор 2018 оны 10 сарын 26, 27-ны өдрүүдэд Хавай спорт төвд амжилттай зохион байгуулж өндөрлөлөө. Тэмцээнд 27 байгууллагын 15 баг 300 гаруй тамирчид оролцсон бөгөөд ҮНДЭСНИЙ АУДИТЫН ГАЗАР-ын баг урилгаар оролцож байгаагаараа онцлогтой юм.

Тэмцээн дартс, гар бөмбөг, сагсан бөмбөг, шатар, ширээний теннис гэсэн таван төрлүүдээр явагдаж аваргуудаа тодруулсан ба нийлбэр оноогоор:

1. Тэргүүн байрыг 69,5 оноогоор Улаанбаатар Аудит Корпораци ХХК, ЦЭСБ аудит ХХК, Өндөрхаан Итгэл Аудит ХХК-уудын хамтарсан УБАК баг эзэлж, шилжин явах цомыг 7 дахь удаагаа авлаа.
2. Дэд байранд 62 оноогоор  Мэжик Консалтинг Аудит ХХК-ийн МAGIC баг,
3. Гутгаар байранд 59 оноогоор ҮНДЭСНИЙ АУДИТЫН ГАЗАР-ын багууд тус тус орлоо

Тэмцээнээс авсан шагналууд:

1. ҮАГ-ын САГ аудитын менежер Я.Самбууням эрэгтэйчүүдийн тениссний төрөлд “Алтан медаль”,
2. Волейболийн холимог төрөлд багаараа “Хүрэл медаль”,
3. Эмэгтэйчүүдийн багийн сагсан бөмбөгийн спортын төрөлд “Хүрэл медаль”,
4. Эрэгтэй шатрын спортын төрөлд “Хүрэл медаль”,
5. Эмэгтэй шатрын спортын төрөлд “Дөрөвдүгээр байр” тус тус эзэллээ. Уг тэмцээнд орон нутгаас ирж оролцон амжилт гаргасан Өвөрхангай аймгийн ТАГ-ын ахлах аудитор Ц.Отгонням, Төв аймгийн ТАГ-ын ахлах аудитор Ц.Саранчимэг нарт талархал дэвшүүлье.