Сэлэнгэ аймаг дахь Төрийн аудитын газар-Хараат бус аудитын компаниудтай гэрээ байгуулав.

Сэлэнгэ аймаг дахь Төрийн аудитын газар нь Төрийн аудитын тухай хуулийн 18.5 дахь заалт,  Монгол Улсын Ерөнхий аудиторын 2017 оны А/134 дүгээр тушаалын хүрээнд төрийн болон орон нутгийн өмчит аж ахуйн нэгжүүд, төр, төсвийн байгууллагуудын 2017 оны төсвийн гүйцэтгэл, санхүүгийн тайланд аудит хийлгэхээр  “ЦЭСБ аудит” ХХК, “Дундманхайдай аудит ”ХХК, “ПИЙК-ОМ аудит” ХХК,  “Далай ван аудит” ХХК-ийн Дархан салбар, “Мэдээлэл аудит” ХХК-ийн Сэлэнгэ салбар зэрэг 5  аудитын компанитай гурвалсан гэрээ байгуулж, ”Санхүүгийн тайланд аудит хийх хараат бус аудитын хуулийн этгээдийг сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын дагуу дээрх 5 аудитын компанийн гэрээт ажлыг  86-87 хувь буюу  “Хангалттай” үнэлгээтэй үнэлсэн билээ.

Аудитын чанарын үнэлгээгээр “Хангалттай” үнэлгээ авсан дээрх 5 аудитын компанийн ажлыг үргэлжлүүлэхээр шийдвэрлэн, төрийн өмчийн 1, орон нутгийн өмчийн 13 аж ахуйн нэгж болон 3 МСҮТ, 20 эрүүл мэндийн төв, 32 сургууль, 33 цэцэрлэг зэрэг нийт 102 байгууллагын  2018 оны  төсвийн гүйцэтгэл, санхүүгийн тайланд аудит хийлгэх гэрээг шинэчлэн байгуулав.