Төрийн аудитын байгууллагын ажилчид тангараг өргөлөө

Төрийн аудитын байгууллагад туршилтын хугацаанд ажиллаж байсан нийт 15 албан хаагч 2018 оны 11-р сарын 07 нд төрийн аудитын тангараг өргөж төрийн жинхэнэ албан хаагч боллоо. Тус тангараг өргөх ёслолын арга хэмжээ Чингис хааны мэндэлсэн өдөр болох  өвлийн тэргүүн сарын шинийн нэгэн буюу Монгол бахархалын өдрийн өмнө тохиож байгаа нь онцлог юм.

Төрийн жинхэнэ албан хаагч болсон ажилтнуудад Монгол Улсын Ерөнхий аудитор Д.Хүрэлбаатар, Үндэсний аудитын газрын Тамгын газрын дарга Ц.Ганболд, Санхүүгийн аудитын газрын захирал бөгөөд тэргүүлэх аудитор Ц.Наранчимэг, Стратеги удирдлагын газрын захирал бөгөөд тэргүүлэх аудитор Д.Энхболд нар цаашдын ажил хөдөлмөрт нь өндөр амжилт хүсэж баяр хүргэсэн юм.

Үндсний аудитын газрын Тамгын газрын хууль, эрхзүйн хэлтсийн дарга Н.Анхбаяр,Тамгын газрын Эд хариуцагч бөгөөд худалдан авалт хариуцсан мэргэжилтэн Э.Дөлгөөн, Тамгын газрын мэдээллийн технологийн албаны мэргэжилтэн Ж.Чинбат, Чанарын баталгаажуулалтын албаны ахлах аудитор А.Даваадорж, Нийцлийн аудитын газрын ахлахаудитор Б.Алтансүх гэсэн нийт 5 албан хаагч болон Нийслэл дэх Төрийн аудитын газрын аудитор М.Нарангэрэл  нар энэ өдөр 09:00 цагт Засгийн газрын Ⅳ байрны 412-дугаар танхимд тангараг өргөсөн юм. Яг энэ цагт орон нутаг дахь төрийн аудитын байгууллагын албан хаагчид болох Х.Алтанчимэг, П.Энхжаргал, Г.Цог-Эрдэнэ /Архангай/, Т.Мөнхтогтох /Дорноговь/, Б.Анхтуяа /Говьсүмбэр/, Д.Бямбасүрэн /Төв/, Д.Пүүжмаа /Завхан/, О.Гантуяа, Г.Оргилмөрөн /Орхон/ нар орон нутгагтаа тангараг өргөсөн юм.

Тангараг өргөсөн нийт албан хаагчиддаа ажлын амжилт хүсье.