“Төрийн аудитын тухай хуулийн шинэчилсэн найруулгын үзэл баримтлал” хэлэлцүүлэг боллоо
Үндэсний аудитын газар Нээлттэй нийгэм форумтай хамтран ажиллах санамж бичиг өнгөрсөн сард солилцсон . Энэ ажлын хүрээнд “Төрийн аудитын тухай хуулийн шинэчилсэн найруулга”-ын хэлэлцүүлгийг цувралаар хамтран зохион байгуулж байна.
2018 оны 11-дүгээр сарын 07-ны өдөр “Нээлттэй нийгэм форум”-ын байранд “Төрийн аудитын тухай хуулийн шинэчилсэн найруулгын үзэл баримтлал”-ын анхны хэлэлцүүлэг болж өнгөрлөө.
Хэлэлцүүлэгт Монгол улсын ерөнхий аудиторын орлогч С.Оюунбилэг, Үндэсний аудитын газрын Стратеги удирдлагын газрын захирал бөгөөд тэргүүлэх аудитор Д.Энхболд, Тамгын газрын хууль эрхзүйн хэлстийн дарга Н.Анхбаяр болон Төрийн бус байгууллагын 7 төлөөлөл оролцсон юм.
Төрийн аудитын тухай хууль нь 2003 оны 01 дүгээр сарын 03-ны өдөр батлагдан өнөөг хүртэл хэрэгжиж байгаа бөгөөд цаг үеийн шаардлагаар нийт 7 удаа нэмэлт, өөрчлөлтүүд орж байжээ.