Хэнтий аймаг дахь Төрийн аудитын газар – “Хүүхдэд ээлтэй орчин” аянд оролцлоо
Монгол улсын Засгын газрын 2018 оны 07 сарын 06-ны өдрийн “Хүүхдийг эрсдэлд өртөхөөс сэргийлэх тухай” 01 дүгээр албан даалгаврын биелэлтийг хангуулах ажлын хүрээнд Хэнтий аймаг дахь Төрийн аудитын байгууллага 11 сарын 12-ны өдрөөс 19-ныг хүртэл байгууллагын албан хаагчдын хүүхдүүдэд зориулсан үйл ажиллагаа зохион байгууллаа. 
Байгууллагын албан хаагчдын хүүхдүүдийн суралцах нөхцөлийг бүрдүүлэх, олон хүүхэдтэй айлд дэмжлэг үзүүлэх чиглэлээр нэг албан хаагчийн бага ангийн 2 хүүхдэд цүнх, дэвтэр, бал зэрэг хичээлийн хэрэгсэл бэлэглэлээ. Мөн сургуулийн насны хүүхдүүдийн чөлөөт цагийг зөв боловсон өнгөрүүлэх зорилгоор үзвэр, үйлчилгээ үзүүлэв.
Төрийн аудитын байгууллагын Аудитын менежер Д. Оюунтуяа нийт албан хаагчдад “Хүүхдэд ээлтэй орчин” сэдэвтэй хүүхдийн хүрээлэн буй орчны аюулгүй байдал, тэдгээрийг хэрхэн эрсдэлээс хамгаалах чиглэлээр сургалт зохион байгууллаа.
