Төв аймаг дахь Төрийн аудитын газар-“Байгууллага сурталчлах өдөрлөг”-ийн арга хэмжээ зохион байгуулав.

Төв аймаг дахь Төрийн аудитын газрын “Байгууллага сурталчлах өдөрлөг”-ийг нэгдсэн үйлчилгээ, хэвлэл мэдээлэл, олон нийттэй харилцах албаны үйлчилгээний зааланд 11 дүгээр сарын 22-ны өдөр зохион байгууллаа.

Өдөрлөгт иргэд олон нийт, төрийн албан хаагч нар идэвхтэй оролцож байгууллагын үйл ажиллагаа чиглэл зорилгыг ойлгон авч, төрийн аудитын байгууллагын болон иргэд, олон нийт ТББ-уудын хоорондын хамтын оролцооны тогтолцоог бий болгох талаар тодорхой ойлголтуудыг авлаа.

Өдөрлөгөөр байгууллагын үйл ажиллагааны танилцуулга хийх, 2017, 2018 онд хийсэн санхүү, гүйцэтгэл, нийцлийн аудитын тайлангуудын танилцуулга хийх, аудит болон үйл ажиллагааны талаар слайд бэлтгэн үзүүлэх, харилцагч байгууллага, иргэдийн өргөдөл, саналыг хүлээн авах, иргэд, олон нийт болон ТАХ-ийн асуултад хариулт өгөх, Шилэн дансны цахим сайтад иргэд хэрхэн хандаж мэдээлэл авах талаар зааварчилга өгөх, аудитын тайлангууд, үйл ажиллагааны тайлангууд, статистик мэдээ, АОУС, гарын авлага зэргийг танилцуулахаас гадна Төрийн аудитын газрын түүхэн замналыг харуулсан зургийн цомогууд, байгууллага хамт олоны амжилт бүтээлийг үнэлж МУЕА болон Үндэсний Аудитын Газар, аймгийн ИТХ-аас шагнасан өргөмжлөл, дурсгалын зүйлсийг дэлгэн үзүүлж Төрийн аудитын байгууллагын үйл ажиллагааг сурталчиллаа.

Мөн орон нутгийн телевизд дарга, тэргүүлэх аудитор байгууллагын үйл ажиллагааны талаар ярилцлага өгч, мэдээлэл хийлээ.