Архангай – Аймгийн ИТХ-ын Тэргүүлэгчдийн хурлаар Ойжуулалтын тайланг хэлэлцүүллээ
19:36 11 сарын 23 өдөр 2018 он
Аймгийн ИТХ-ын Тэргүүлэгчдийн хуралдаанд “Ойжуулалтанд төсвөөс зарцуулсан хөрөнгийн үр дүн, 2016 оны зөвлөмжийн хэрэгжилт”-д хийсэн давтан аудитын дүнг танилцууллаа. Аудитын дүн, тайлан талаарх Тэргүүлэгчдийн асуултанд Тэргүүлэх аудитор, аудитын менежер, аудиторууд, илэрсэн зөрчил, гүйцэтгэсэн ажил, цаашид баримтлах бодлого чиглэлийн талаарх асуултанд аймгийн БОАЖГ-ын дарга, мэргэжилтнүүд хариултыг өглөө. Хуралдаанаас аудитын дүн, дүгнэлтийн мөрөөр авч хэрэгжүүлэх арга хэмжээний талаар албан тоотоор аймгийн Засаг даргад чиглэл хүргүүлэхээр шийдвэрлэв. Цаашид Төрийн аудитын газраас гаргаж байгаа шийдвэрүүдийн хэрэгжилтэд ач холбогдол өгч ажиллаж байхыг аймгийн ИТХ-ын Тэргүүлэгчдийн хуралдааны тэмдэглэлээр үүрэг болгохоор шийдвэрлэв.
