Ховд аймаг дахь Төрийн аудитын газар: “Шилэн дансны хуулийн хэрэгжилт”, “ОНХС, СХС-гийн хөрөнгийн зарцуулалт, үр дүн”-д хийсэн нийцлийн аудитын дүнг холбогдох байгууллагуудад танилцуулав. Мөн аймгийн ИТХ-д орлого нэмэгдүүлэх болон зардал бууруулах санал оруулж батлуулав.

Монгол Улсын Их Хурлын Төсвийн байнгын хорооны 2017 оны 06 дугаар тогтоол, Монгол Улсын Ерөнхий аудиторын 2018 оны А/125 дугаар тушаалын нэгдүгээр хавсралтаар батлагдсан Үндэсний аудитын газрын 2018 онд гүйцэтгэх аудитын төлөвлөгөө, Ховд аймаг дахь Төрийн аудитын газрын 2018 оны үйл ажиллагааны төлөвлөгөөг үндэслэн “Шилэн дансны тухай хуулийн хэрэгжилт”, “ОНХС, СХС-гийн хөрөнгийн зарцуулалт, үр дүн”-д  нийцлийн аудитыг хийж,   аудитын тайланг тушаалаар баталгаажуулан Үндэсний аудитын газрын Нийцлийн аудитын газар болон хобогдох байгууллагуудад хүргүүллээ.  Мөн орон нутгийн 2019 оны төсвийн төсөлд болон төсвийн хөрөнгийн үр ашгийг дээшлүүлэх, орлого нэмэгдүүлэх 1100.0 сая төгрөгийн санал, зардал бууруулах 160.0 сая төгрөгийн саналыг хэрэгжих боломжтой тул 2019 оны төсөвт тусгахаар баталлаа.