Үндэсний аудитын газарт олон улсын зөвлөхүүд ажиллаа
Дэлхийн банкны санхүүжилтээр Үндэсний аудитын газрын чадавхийг бэхжүүлэх төслийн хүрээнд санхүүгийн болон гүйцэтгэлийн аудитыг олон улсын стандартын дагуу хэрэгжүүлэх талаар аудитын арга зүйн зөвлөгөө өгөх ажлын байрны сургалтыг Монгол Улсын Үндэсний аудитын газрын санхүүгийн болон гүйцэтгэлийн аудиторуудад 11 дүгээр сарын 19 ний өдрөөс 11 дүгээр сарын 30 ний хооронд үзүүллээ. Ажлын байрны сургалтын хүрээнд Санхүүгийн болон Гүйцэтгэлийн аудитын газруудтай хамтран аудитын арга зүйн зөвлөгөө өгч, аудиторуудын чадавхийг бэхжүүлэхтэй холбогдуулан сургалт, зөвлөгөө зохион байгуулж, аудитын дэвшилтэт арга техникт суралцлаа. Ажлын байрны зөвлөх үйлчилгээг олон улсын туршлагатай зөвлөхүүд Pritom Phookun, Ayodeji Ogunyemi нар хэрэгжүүллээ.
Pritom Phookun нь Аудитын Дээд Институтын Олон Улсын Нийгэмлэг (INTOSAI), Аудитын Дээд Байгууллагуудыг Хөгжүүлэх Олон Улсын Сан (IDI) мөн Энэтхэг улсын аудитын дээд байгууллага болон олон улсын аудитын мэргэшсэн зөвлөхөөр ажиллаж байсан. Засгийн Газрын Аудитыг удирдах хөгжүүлэх арвин туршлагатай, хөгжиж буй орнууд дахь үндэсний аудитын газруудын чадавхийг бэхжүүлэхэд дэмжлэг үзүүлэж олон орны аудитын багтай хамтран ажилласан туршлагатай мэргэжлийн сургагч дасгалжуулагч багш юм.
Мөн Pritom Phookun зөвлөх нь Аудитын Дээд Институтын Олон Улсын Нийгэмлэг (INTOSAI)-ийн болон Аудитын Дээд Байгууллагуудыг Хөгжүүлэх Олон Улсын Сан (IDI), Аудитын Дээд Байгууллага (SAI)-ын гүйцэтгэлийн аудитын мэргэжлийн сургагч багш юм.
Ayodeji Ogunyemi нь Засгийн Газрын Аудитыг удирдах хөгжүүлэх арвин туршлагатай, хөгжиж буй орнууд дахь үндэсний аудитын газруудын чадавхийг бэхжүүлэхэд дэмжлэг үзүүлэх зорилгоор 25 гаруй орны аудитын багтай хамтран ажиллаж байсан туршлагатай, Английн Аудитын Дээд Байгууллага болон олон улсын аудитын байгууллагуудад аудитын чиглэлээр ажиллаж мөн зөвлөгөө сургалт явуулж байсан санхүүгийн аудитын олон улсын зөвлөх юм.
