Дорноговь аймаг – Шилэн дансны хуулийн хэрэгжилтэд хийсэн нийцлийн аудитын тайлан

Дорноговь аймаг дахь Төрийн аудитын газраас төсөвт байгууллага, төрийн болон орон нутгийн өмчит компаниудын 2017, 2018 оны шилэн дансны хуулийн хэрэгжилтийн байдалд аудит хийж дуусган тайланг ҮАГ болон холбогдох газруудад хүргүүллээ.

Аудитын явцад цуглуулсан нотлох зүйл, аудитын дүнд үндэслэн дараах дүгнэлтийг хийлээ. Үүнд:

• Шилэн дансны тухай хуулийн 6 дугаар зүйлийн зарим заалтуудын хэрэгжилт хангалтгүй байна.
• Таван сая төгрөгөөс дээш үнийн дүн бүхийн орлого, зарлагын мөнгөн гүйлгээ, өмч, хөрөнгө, мөнгө зарцуулах тухай гарсан тушаал шийдвэрийг бүрэн мэдээлээгүй байна.
• Улс, орон нутгийн төсвийн хөрөнгөөр хөрөнгө оруулалт, төсөл хөтөлбөр, арга хэмжээ, ажил үйлчилгээ талаарх мэдээллийн төсвийн байгууллагууд мэдээлж байгаа боловч гүйцэтгэж байгаа ААНБ-ууд шилэн дансанд цахим хуудас нээлгээгүй, холбогдох мэдээллийг мэдээлээгүй байна.
• Төрийн чиг үүрэгт хамаарах ажил үйлчилгээг хууль тогтоомж, гэрээний үндсэн дээр гүйцэтгэгч Замын-Үүд сумын хувийн өмчит 1 сургууль, 4 цэцэрлэг, Сайншанд сумын Төмөр замын МСҮТ зэрэг байгууллагууд хуулийг хэрэгжилтийг хангаж ажиллаагүй байна.
• Шилэн дансны үйл ажиллагаанд Аймгийн ИТХ болон СХАА-аас хяналт шалгалт хийж, холбогдох зөвлөмж, чиглэлийг хүргүүлсэн байна.

Аудитаар мэдээллийг шилэн дансны цахим хуудсанд мэдээлээгүй, дутуу мэдээлсэн зэрэг зөрчлүүдийг арилгуулахаар 23 албан шаардлагыг холбогдох байгууллагуудад хүргүүллээ.

Аудитын тайланг үзэх бол энд дарна уу.