Эрүүл мэндийн сайдын эрхлэх асуудлын хүрээний 2017 оны санхүүгийн тайлангийн аудитаар өгсөн акт албан шаардлага, зөвлөмжийн хэрэгжилтийг үнэлэх, танилцуулах үйл ажиллагаа боллоо

Эрүүл мэндийн сайдын эрхлэх асуудлын хүрээний санхүүгийн нэгтгэсэн тайланд тус яамны харьяа 17 ТШЗ, нийслэлийн эрүүл мэндийн газар түүний харьяа 22, аймгийн эрүүл мэндийн газар болон харьяа 108, тусгай зориулалтын шилжүүлгийн 22 байгууллага, төсөл, хөтөлбөр хэрэгжүүлэгч 17 нэгж, нийт 186 байгууллагын санхүүгийн тайлан нэгтгэгдсэн байна. Төсвийн ерөнхийлөн захирагчийн 2017 оны жилийн эцсийн санхүүгийн тайлангийн аудитаар 40,328.8 сая төгрөгийн алдаа зөрчил илрүүлснээс 30,749.0 сая төгрөгийн алдааг залруулж, 187.5 сая төгрөгийн зөрчилд 58 төлбөрийн акт тогтоон, 5,125.2 сая төгрөгийн зөрчилд 56 албан шаардлага өгч, 4,266.9 сая төгрөгийн зөрчлийг давтан гаргахгүй байх талаар холбогдох албан тушаалтанд 242 зөвлөмж хүргүүлсэн байна. Аудитад хамрагдсан дээрх байгууллагуудаас “Хязгаарлалттай” санал дүгнэлтийг 14, “Сөрөг” санал дүгнэлтийг 1 байгууллага авсан байна.

Зөвлөмжийн хэрэгжилтийг үнэлсэн байдал

Эрүүл мэндийн сайдын асуудал эрхлэх хүрээний төсөвт байгууллагуудаас ЭМЯ-ны харьяа 17 байгууллага, төсөл хөтөлбөр 2 нэгж нийт 19 байгууллагын 39.0 сая төгрөгийн 7 төлбөрийн акт, 6,969.9 сая төгрөгийн 15 албан шаардлага, 73 зөвлөмжийн биeлэлтийг шалган үнэлж, нотолгоог баримтжууллаа.

Аудитын хяналтаар 3 байгууллагад 39.0 сая төгрөгийн 7 төлбөрийн акт хүргүүлсний биелэлт 37.8 сая төгрөг буюу 96.9 хувийн хэрэгжилттэй байна.

Аудитын хяналтаар 7 байгууллагад 6,969.9 сая төгрөгийн 15 албан шаардлага хүргүүлснээс 6,599.5 сая төгрөгийн гүйцэтгэлтэй, биелэлт 86.8 хувийн хэрэгжилттэйгээр үнэллээ.

Аудитын хяналтаар 18 байгууллагад 74 зөвлөмж өгөгдсөнөөс зөвлөмжийн биелэлт 88.6 хувийн хэрэгжилттэй байна.
Эрүүл мэндийн яамны харьяа байгууллагуудын санхүүгийн тайлангийн аудитаар 74 зөвлөмж өгөгдснөөс бүрэн хэрэгжсэн 40, хэрэгжих шатандаа 34, 15 албан шаардлага хүргэгдсэнээс хэрэгжсэн 7, хэрэгжих шатандаа 8, 7 төлбөрийн акт тавигдсанаас 1 акт хэрэгжээгүй байна.Эрүүл мэндийн яамны харьяа байгууллагуудын акт, зөвлөмжийн хэрэгжилтийн талаар.

Огт хэрэгжээгүй акт

• Эрүүл мэндийн яамны аппарат тушаалгүйгээр 8 ажилтанд илүү цагийн хөлс олгосон 1,200.0 мянган төгрөгийн төлбөрийн актыг барагдуулаагүй байна.

Хэрэгжих шатандаа байгаа зөвлөмж

• Дээрх байгууллагуудад өгсөн 34 зөвлөмж хэрэгжих шатандаа байгаа нь хуулийн байгууллага, ТӨБЗГ, бусад дээд шатны байгууллагад хандсан боловч шийдвэр, тогтоол ирээгүйгээс шалтгаалсан байна.