Хөдөлмөр, нийгмийн хамгааллын сайдын эрхлэх асуудлын хүрээний 2017 оны санхүүгийн тайлангийн аудитаар өгсөн акт албан шаардлага, зөвлөмжийн хэрэгжилтийг үнэлэх, танилцуулах үйл ажиллагаа боллоо

Хөдөлмөр, нийгмийн хамгааллын сайдын эрхлэх асуудлын хүрээний байгууллагуудын 2017 оны санхүүгийн тайлангаар өгсөн зөвлөмж, төлбөрийн акт, албан шаардлагыг хэрэгжүүлэхэд авч хэрэгжүүлсэн ажлын тайлан болон 2018 оны хагас жилийн санхүүгийн тайлан бусад холбогдох баримтуудыг хамруулсан.

Хөдөлмөр, нийгмийн хамгааллын сайдын эрхлэх асуудлын хүрээний байгууллагуудын 2017 оны санхүүгийн нэгтгэсэн тайланд Хөдөлмөр, халамжийн үйлчилгээний ерөнхий газрын харьяа байгууллага  35, төсвийн шууд захирагч 49, тусгай шилжүүлгийн байгууллага 22, Хөдөлмөр эрхлэлтийг дэмжих дэд сан 33, нийгмийн халамжийн дэд сан 31, Засгийн газрын тусгай сан 3,  төрийн өмчит үйлдвэрийн газар 1, төсөл хөтөлбөр  14, нийт 186 санхүүгийн тайлан нэгтгэгдсэн байна.

Аудитаар нийт 18,920.2 сая төгрөгийн алдаа, зөрчил илэрснээс 7,886.3 сая төгрөгийн алдааг аудитын явцад залруулга хийж, 146.2 сая төгрөгийн зөрчилд 17 төлбөрийн акт тогтоон, 1,520.6 сая төгрөгийн зөрчлийг арилгах 31 албан шаардлага, 9,367.1 сая төгрөгийн зөрчлийг давтан гаргахгүй ажиллах талаар 188 зөвлөмж өгчээ.

Аудитад хамрагдсан 12 төсвийн шууд захирагч, төвлөрүүлэн захирагч 1, төрийн өмчит аж ахуйн нэгж 1, Засгийн газрын тусгай сан 3, нийт 17 байгууллагуудад нийт 2 төлбөрийн акт, 12 албан шаардлага, 54 зөвлөмжийн биeлэлтийг үнэлж холбогдох баримтыг шалгав.

1. Зөвлөмжийн хэрэгжилт.

Зөвлөмжийн хэрэгжилтийг 86.6 хувийн биелэлттэйгээр үнэллээ.

Хүснэгтээр харуулбал:

Хөдөлмөр, нийгмийн хамгааллын сайдын багцийн 2017 оны санхүүгийн нэгтгэсэн тайланд аудитаар 188 зөвлөмж өгөгдснөөс 86.6 хувь буюу 156 зөвлөмж бүрэн хэрэгжиж, 29 зөвлөмж хэрэгжих шатандаа, 3 зөвлөмж хэрэгжээгүй байна.

1. Албан шаардлага

Аудитын хяналтаар 25 байгууллагад 1,520.7 сая төгрөгийн зөрчлийг арилгах албан шаардлага хүргүүлснээс 800.3 сая төгрөгийн гүйцэтгэл гарч 80.3 хувийн биелэлттэй байна. Албан шаардлагын нэгтгэлийг хүснэгтээр харуулбал:

Дараах албан шаардлагууд бүрэн хэрэгжээгүй байна. Үүнд:

• Олон улсын хүүхдийн найрамдал цогцолбор -Хууль ёсны эзэмших эрхгүй 492.2 сая төгрөгийн өртөгтэй 18 айлын орон сууцыг үндсэн хөрөнгөөр бүртгэснийг шийдвэрлэх эрх бүхий дээд шатны байгууллагуудад хандаж, шийдвэрийг мөрдөж ажиллах албан шаарлага хэрэгжээгүй Төрийн өмчийн бодлого зохицуулалтын газарт дээрх асуудлыг шийдүүлэхээр албан тоот хүргүүлсэн боловч хариу ирээгүй байна. Мөн 37 сая төгрөгийн авлагаас 27.0 сая төгрөгийг барагдуулаагүй байна.
• Хөдөлмөр эрхлэлтийг дэмжих сан- Тус сангаас “Ажлын байрыг дэмжих хөтөлбөр”-ийн хүрээнд олгосон 773.4 сая төгрөгийн хугацаа хэтэрсэн зээлийг барагдуулах албан шаардлагын биелэлт 74.0 хувьтай байна.

1. Төлбөрийн акт

Аудитаар 17 байгууллагад 146.2 сая төгрөгийн төлбөрийн акт хүргүүлснээс 119.6 сая төгрөгийн гүйцэтгэл гарч, төлбөрийн актын биелэлт 81.8 хувийн хэрэгжилттэй байна. Төлбөрийн актын нэгтгэлийг хүснэгтээр харуулбал: