Уул уурхай, хүнд үйлдвэрийн яамны сайдын эрхлэх асуудлын хүрээний 2017 оны санхүүгийн тайлангийн аудитаар өгсөн акт албан шаардлага, зөвлөмжийн хэрэгжилтийг үнэлэх, танилцуулах үйл ажиллагаа боллоо

Уул уурхай, хүнд үйлдвэрийн сайдын эрхлэх асуудлын хүрээний байгууллагуудын санхүүгийн нэгтгэсэн тайланд 2 төсөвт байгууллага, 2 хөрөнгө оруулалтын зардлын данс, 11 төрийн өмчит компани, улсын үйлдвэрийн газар, 1 төсөл, нийт 16 байгууллагын санхүүгийн тайлан нэгтгэгдсэн. Төсвийн ерөнхийлөн захирагчийн 2017 оны жилийн эцсийн санхүүгийн тайлангийн аудитаар залруулагдсан алдаа 11,364.7 тэрбум, залруулагдаагүй алдаа 229.8 тэрбум, нийт 11,594.5 тэрбум төгрөгийн алдаа, зөрчлийг илрүүлсэн. Аудитаар 50 зөвлөмж, 1.8 сая төгрөгийн 1 төлбөрийн акт, 229.8 тэрбум төгрөгийн 6 албан шаардлага хүргүүлсэн ба аудитад хамрагдсан 7 байгууллага “Зөрчилгүй” санал дүгнэлт, 3 байгууллага “Хязгаарлалттай” санал дүгнэлт авсан байна.

Зөвлөмжийн хэрэгжилтийг үнэлсэн байдал

Уул уурхай, хүнд үйлдвэрийн сайдын эрхлэх асуудлын хүрээний төсөвт байгууллага 2, хөрөнгө оруулалтын зардлын данс 2, төрийн өмчит хувьцаат компани 11, төсөл хөтөлбөр 1, нийт 16 байгууллагуудад 1 төлбөрийн акт, 6 албан шаардлага, 50 зөвлөмжийн биeлэлтийг үнэлж холбогдох баримтыг шалгав.

• Зөвлөмжийн биелэлтийн нэгтгэлээр 87.2 хувийн хэрэгжилттэйгээр үнэллээ.

Хүснэгтээр харуулбал:

• Аудитын хяналтаар 3 байгууллагад 8 тэрбум төгрөгийн албан шаардлага хүргүүлснээс албан шаардлагын биелэлт 81.2 хувийн хэрэгжилттэйгээр үнэллээ.

Албан шаардлагын нэгтгэлийг хүснэгтээр харуулбал:

Засгийн газрын 2016 оны 80 дугаар тогтоолоор батлагдсан “Төрийн өмчийн оролцоотой хуулийн этгээдэд төрийн өмчийн төлөөллийг хэрэгжүүлэх журам”-д зааснаар “Мон-Атом” ХХК, “Шивээ Овоо” ХК, “Эрдэнэс Таван Толгой” ХК-ууд дахь төрийн өмчийн төлөөллийг “Эрдэнэс Монгол” ХХК-ийн дүрэмд заасны дагуу Засгийн газраас томилогддог тул эдгээр компаниудтай манай яамны зүгээс уг асуудлаар шууд хариуцлага тооцох боломжгүй юм. Иймд Үндэсний аудитын газраас гаргасан зөвлөмж, актын хэрэгжилтийг хангах ажиллах эрх зүйн нөхцөл бүрдэхгүй байна.

Иймд зөвлөмжийн биелэлтийг хангуулахын тул Засгийн газрын хэрэг эрхлэх газрын дарга Г.Занданшатар, Төрийн өмчийн бодлого зохицуулалтын газрын дарга Ц.Ням-Осор нарт Уул уурхай, хүнд үйлдвэрийн сайдын багцад хамаарал бүхий “Эрдэнэс Монгол” ХХК-ийн охин компаниудын санхүүгийн тайланд өгсөн аудитын дүгнэлттэй танилцаж холбогдох арга хэмжээг авч өгөхийг хүссэн УУХҮСайдын 2018 оны 07 дугаар сарын 10-ны өдрийн 01/1911 албан тоотыг хүргүүлсэн. Албан тоотын дагуу ЗГХЭГ-аас Эрдэнэс Монгол ХХК-д зөвлөмжийн биелэлтийг хангуулах талаар албан тоот хүргүүлсэн.

• Аудитын хяналтаар 1 байгууллагад 1.8 сая төгрөгийн төлбөрийн акт хүргүүлснээс төлбөрийн актын биелэлт 100 хувийн хэрэгжилттэйгээр үнэллээ.