Гадаад харилцааны сайдын эрхлэх асуудлын хүрээний 2017 оны санхүүгийн тайлангийн аудитаар өгсөн акт албан шаардлага, зөвлөмжийн хэрэгжилтийг үнэлэх, танилцуулах үйл ажиллагаа боллоо
Гадаад харилцааны сайдын эрхлэх асуудлын хүрээний байгууллагуудын 2017 оны санхүүгийн нэгтгэсэн тайланд төсвийн шууд захирагч 3, төвлөрүүлэн захирагч 1, төсөл, хөтөлбөр 1, Засгийн газрын тусгай сан 2, Төрийн өмчит аж ахуйн тооцоотой үйлдвэрийн газар 1, нийт 8 байгууллагын санхүүгийн тайланг нэгтгэн тайлагнасан.
Аудитаар нийт 21,389.7 сая төгрөгийн алдаа, зөрчил илэрснээс 11,926.3 сая төгрөгийн материаллаг алдааг аудитын явцад санхүүгийн тайланд залруулга хийлгэж, 124.2 сая төгрөгийг төсөвт төлүүлэхээр 8 төлбөрийн акт тогтоож, 1,275.4 сая төгрөгийн алдаа зөрчлийг арилгах, цаашид давтан гаргахгүй байх 3 албан шаардлага, 8,063.8 сая төгрөгийн зөрчилд 30 зөвлөмж хүргүүлсэн байна.
- Зөвлөмжийн хэрэгжилтийг үнэлсэн байдал:
Гадаад харилцааны сайдын эрхлэх асуудлын хүрээний байгууллагуудын 2017 оны санхүүгийн тайлан, төсвийн гүйцэтгэлд хийсэн санхүүгийн тайлангийн аудитаар нийт 30 зөвлөмж өгөгдснөөс 25 зөвлөмж бүрэн хэрэгжиж, 5 зөвлөмж хэрэгжих шатандаа, огт хэрэгжээгүй зөвлөмж байхгүй, биелэлтийг 96.8 хувийн хэрэгжилттэйгээр үнэллээ.
Хэрэгжилтийн байдлыг хүснэгтээр харуулбал:
Албан шаардлага:
Санхүүгийн тайлангийн аудитаар 3 байгууллагад нийт 1,275.4 сая төгрөгийн албан шаардлага хүргүүлснийг 100.0 хувийн хэрэгжүүлж ажилласан байна.
Төлбөрийн акт:
Аудитын хяналтаар 4 байгууллагад 124.2 сая төгрөгийг төсөвт төлүүлэхээр 8 төлбөрийн акт тогтоосноос 114.0 сая төгрөгийн 7 актын төлбөрийг барагдуулж 10.2 сая төгрөгийн төлбөр одоогийн байдлаар төлөгдөөгүй байгаа тул актын хэрэгжилтийг 92.7 хувийн гүйцэтгэлтэй байна гэж үнэллээ.
Төлбөрийн актын нэгтгэлийг хүснэгтээр харуулбал:
ГХС-ын эрхлэх асуудлын хүрээний байгууллагууд зөвлөмжийн хэрэгжилтийг хангаж ажиллахад санаачилагатай ажилласан байна. Тухайлбал:
Гадаад харилцааны яамны Төрийн нарийн бичгийн дарга ГХС-ын эрхлэх асуудлын хүрээний 2017 оны жилийн эцсийн санхүүгийн нэгтгэсэн тайлангийн аудитаар илэрсэн алдаа, зөрчлийг арилгах, цаашид давтан гаргахгүй ажиллах талаар “Дотоод ажлыг сайжруулах, зардал хэмнэх, төсвийн сахилга, бат хариуцлагыг дээшлүүлэх тухай” зааварлах захидал болон албан даалгаварыг боловсруулан ДТГ-ын тэргүүн, ажилтан, албан хаагч нарт үүрэг болгож ажилласан байна.
Дээрх арга хэмжээг авч хэрэгжүүлсний үр дүнд Үндэсний аудитын газраас Гадаад харилцааны сайдын эрхлэх асуудлын хүрээний байгууллагуудын 2016 оны санхүүгийн тайлан, төсвийн гүйцэтгэлд хийсэн санхүүгийн тайлангийн аудитаар өгсөн зөвлөмжийн хэрэгжилтийг үнэлэхэд 66.5 хувийн хэрэгжилттэй үнэлэгдэж байсан бол 2017 оны санхүүгийн тайланд хийсэн аудитаар өгсөн зөвлөмжийг 96.5 хувьтай хэрэгжүүлж ажилласан байна.