Архангай – “Албан өрөөгөө чимэглэх” уралдаан зохион байгуулж шинэ жилийн баяраа тэмдэглэлээ.

Архангай аймаг дахь Төрийн аудитын газрын залуу ажилтнууд санаачлан, шинэ жилийн баяраа шинэлэг хэлбэрээр тэмдэглэж, байгууллагынхаа онцлогыг харуулсан бүтээлээр албан өрөөгөө чимэглэх уралдаан зарлаж өнгө дизайн, утга агуулга, бүтээлч байдал, шинэлэг санааг гаргасан шилдэг чимэглэлтэй өрөөг шалгарууллаа. Уралдаанд 4 баг оролцсоноос Д.Батхуяг ахлагчтай баг тэргүүн байр, Ж.Мөнгөншагай ахлагчтай баг  дэд байранд шалгарч, хамтын сангаас мөнгөн шагналаар шагнууллав.  Тус уралдаан байгууллагын нийт ажилтнууд идэвхтэй бүтээлчээр оролцож, Архангай аймаг дахь Төрийн аудитын газар шинэ жилээ энэхүү арга хэмжээгээр тэмдэглэж өнгөрүүллээ.