Архангай – 2018 оны тайлангийн хурлаа хийж, байгууллагын шилдэгүүдээ шалгарууллаа.
Архангай аймаг дахь Төрийн аудитын газар 2018 оны үйл ажиллагааны үр дүнг дүгнэж цэгнэх жилийн эцсийн тайлангийн хурлаа хийлээ. Тус хурлаар 2018 үр дүнгийн гэрээгээр хүлээсэн үүргээ амжилттай биелүүлж бусдыгаа хошуучлан ажилласан Нийцлийн аудитын багийн ахлагч, аудитор Хүрэлбаатар овогтой Алтанчимэгийг байгууллагын 2018 оны “ШИЛДЭГ АЖИЛТАН“-аар шалгаруулж өргөмжлөл, мөнгөн шагналаар шагналаа. Мөн аудитын чанар үр өгөөжийг дээшлүүлэх зорилт дэвшүүлсэн тайлангийн жилд “Ойжуулалтад зарцуулсан хөрөнгийн үр дүн“-д хийсэн гүйцэтгэлийн аудит нь орон нутгийн шийдвэр гаргах түвшинд хэлэлцүүлэгдэн шийдвэр гаргуулж, орон нутгийн болоод нийгмийн ач холбогдолтой асуудлыг хэвлэл мэдээллийн хэрэгслээр дамжуулан олон нийтэд хүргэж чадсан тул энэ тайлангийн жилийн хамгийн “ЧАНАРТАЙ, ҮР ӨГӨӨЖТЭЙ АУДИТ“-аар шалгаруулж, Гүйцэтгэлийн аудитын багт өргөмжлөл, мөнгөн шагнал гардууллаа. Тайлангийн хурлаар багуудын тайланг сонссон бөгөөд 2019 онд цаашид анхаарах асуудлын талаар хэлэлцлээ.
