БАЯНХОНГОР АЙМАГ ДАХЬ ТӨРИЙН АУДИТЫН ГАЗРААС 2018 ОНЫ 04 ДҮГЭЭР УЛИРАЛД ХИЙСЭН АЖЛЫН ТАЙЛАН
Монгол Улсын Ерөнхий аудиторын баталсан “Авлигатай тэмцэх үндэсний хөтөлбөрийн хүрээнд 2018 онд төрийн аудитын байгууллагаас хэрэгжүүлэх үйл ажиллагааны төлөвлөгөө”-ний дагуу Баянхонгор аймаг дахь Төрийн аудитын газар авлигаас урьдчилан сэргийлэх аяны хүрээнд хийх ажлын төлөвлөгөө гаргаж, 2018 онд дараахь ажлуудыг зохион байгуулав.
Аймгийн ЗДТГ-ын ажилтнуудын дунд Авлигын эсрэг хууль болон бусад холбоотой хуулийн мэдлэгийг шалгах “Алтан хонх” тэмцээн зохион байгуулж, эхний 3 байр шалгаруулж, мөнгөн шагналаар шагнав.
Аймгийн ЗДТГ-ын дэргэдэх Хууль зүйн хэлтэстэй хамтран ажиллагсдад хуулийн талаар дотоод сургалт зохион байгуулав.
Аймгийн төвийн ЕБС-уудын ахлах ангийн сурагчдын дунд “Авлигын хор уршиг” сэдэвт гар зургийн уралдааныг зохион байгуулж, эхний 3 байр шалгаруулж, шагнав.
“Авлигын хор уршиг” сэдэвт гар зургийн уралдаанд эхний 2 байр эзэлсэн бүтээлээр “Би авлига авахгүй, өгөхгүй” уриатай 100 ширхэг аяганы суурь бэлтгэж, төсвийн захирагч, нягтлан бодогч нарт тараав.
Аймгийн Засаг дарга, ИТХ-ын дарга зэрэг удирдах албан тушаалтай 16 хүнийг оролцуулж, “Авлигын эсрэг хамтдаа” уриатай телевизийн богино хэмжээний шторкийг бэлтгэж, орон нутгийн телевизээр иргэдэд хүргэж ажиллалаа.
БАЯНХОНГОР АЙМАГ ДАХЬ ТӨРИЙН АУДИТЫН ГАЗАР
