ТӨЛӨВЛӨЛТ, ХЯНАЛТ ШИНЖИЛГЭЭ, ҮНЭЛГЭЭНИЙ УЯЛДАА ХОЛБОО СЭДЭВТ СЕМИНАРТ ОРОЛЦЛОО
Засгийн газрын Хэрэг эрхлэх газар, “Монгол улсын хөгжлийн бодлого төлөвлөлтийн тогтолцоог бэхжүүлэх төсөл”-өөс хамтран 2015 оны 6 дугаар сарын 26-ны өдөр зохион байгуулсан “Төлөвлөлт, хяналт-шинжилгээ, үнэлгээний уялдаа, холбоо” сэдэвт семинарт Үндэсний аудитын газрын Стратеги удирдлагын газрын менежер Ц.Батбаяр, Гүйцэтгэлийн аудитын газрын менежер Л.Эрдэнэчулуун, шинжээч Б.Анхбаатар нар оролцлоо.
Семинарын хөтөлбөрийн дагуу Монгол улсын эдийн засаг, нийгмийг 2014 онд хөгжүүлэх үндсэн чиглэлийн хэрэгжилтэд хийсэн аудитын дүнг танилцуулсны дээр илтгэлтэй холбогдуулсан хэлэлцүүлгийн үеэр холбогдох асуултад хариулт өгч, цаашид анхаарах асуудлаар саналаа өгсөн байна.
ГАГ-аас уг семинарт оролцсоноор цаашид Монгол Улсын эдийн засаг, нийгмийг хөгжүүлэх үндсэн чиглэл болон түүнтэй адилтгах баримт бичгийн хэрэгжилт, үр дүнд хийх сэдэвчилсэн аудитын үе шатны ажлуудыг хөнгөвчлөхөд хувь нэмрээ оруулахад дэмжлэг болсон ба семинарын цар хүрээг тэлж орон нутагт зохион байгуулах, үүнд ҮАГ-аас холбогдох мэргэжилтнийг оролцуулах талаар санал болгосон байна.
