АДБОУС-ЫГ ХӨРВҮҮЛЭН, НЭВТРҮҮЛЭХ ТӨСӨЛ АРГА ХЭМЖЭЭГ МОНГОЛ УЛСАД АНХ УДАА ТӨРИЙН АУДИТЫН БАЙГУУЛЛАГА ХЭРЭГЖҮҮЛЛЭЭ.
Төрийн аудитын арга зүйг боловсронгуй болгох зорилтын хүрээнд 2014-2015 онд АДБОУН-ээс баталсан АДБОУС-уудыг Монгол хэлнээ хөрвүүлэх, хэвлэх, нэвтрүүлэх төсөл арга хэмжээг хэрэгжүүлэх ажлыг амжилттай хэрэгжүүлж дуусгаад өнөөдөр аудитын олон улсын стандартуудаа хүлээж авч байна. Энэ үйл ажиллагаа Монгол улсад анх удаа болж байгаагаараа онцлог юм. Энэ стандарт нь төрийн аудитын байгууллагын мөрдөх 86 стандартыг багтаасан 10 боть номоос бүрдэнэ. Энэхүү ажил нь төрийн аудитын байгууллагын хуулиар хэрэгжүүлдэг санхүүгийн, гүйцэтгэлийн, нийцлийн аудитын арга зүйг боловсронгуй болгох чухал алхам юм. Өөрөөр хэлбэл төрийн аудитын байгууллага үйл ажиллагаандаа мөрдөх стандарттай боллоо. Уг стандарт нь үйл ажиллагаа өргөжихийн хэрээр шинэчлэн баяжигдаж байх бөгөөд цаашид Төрийн аудитын үндэсний стандартыг боловсруулах бат бэх үндэс суурь нь болж байгаа ихээхэн ач холбогдолтой зүйл юм.
Тус арга хэмжээнд МУЕА А.Зангад, ҮАГ-ын Дэд дарга, Тэргүүлэх аудитор Б.Баттуяа, ҮАГ-ын Стратеги удирдлагын газрын дарга, Тэргүүлэх аудитор А.Сүхбаатар, ҮАГ-ын Тамгын газрын дарга Л.Дулмаа, ҮАГ-ын Нийцлийн аудитын газрын дарга, Тэргүүлэх аудитор Б.Алтанзул, Гүйцэтгэлийн аудитын газрын дарга,Тэргүүлэх аудитор М.Наранжаргал, СУГ-ын Менежер, Аудитор, Шинжээч нар болон, УИХ-ын даргын зөвлөх С.Ламбаа, УИХ-ын Тамгын газрын ерөнхий нарийн бичгийн дарга Б.Болдбаатар нар оролцлоо.
Ёслолын ажиллагаанд МУЕА А.Зангад, УИХ-ын даргын зөвлөх С.Ламбаа, УИХ-ын Тамгын газрын ерөнхий нарийн бичгийн дарга Б.Болдбаатар нар тууз хайчлан стандарт хүлээн авах ажиллагааг хүндэтгэлтэйгээр нээж МУЕА А.Зангад үг хэллээ.
Тус үйл ажиллагаанд МУЕА А.Зангад УИХ-ын даргын зөвлөх С.Ламбаа, УИХ-ын Тамгын газрын ерөнхий нарийн бичгийн дарга Б.Болдбаатар нарт Олон улсын стандартын номнуудын дээжээс өргөн барьж, Стратеги удирдлагын газрын дарга А.Сүхбаатар орчуулгын баг хамт олонд баярласан талархаснаа илэрхийлж өргөмжлөл гардуулан үг хэлж арга хэмжээ өндөрлөлөө.
