Төв аймгийн аудитын газар төрийн байгууллагын ажлын зохион байгуулалт, байгууллагын архив, албан хэрэг хөтлөлтийн үйл ажиллагаанд мэдээллийн технологи нэвтрүүлж буй байдлын талаарх улсын үзлэгт бэлдэж байна.

Төв аймгийн аудитын газар нь төрийн байгууллагын ажлын зохион байгуулалт, байгууллагын архив, албан хэрэг хөтлөлтийн үйл ажиллагаанд мэдээллийн технологи нэвтрүүлж буй байдлын талаарх улсын үзлэгт бэлтгэх 4 зүйлийн 11 нэр төрлийн ажлын төлөвлөгөө гарган хэрэгжүүлж,  90%-ийн биелэлттэй байна.

Төв аймгийн аудитын байгууллагын архивын 2004-2011 оны 350 хадгаламжийн нэгж бүхий баримтыг архив зүйн дагуу ялган төрөлжүүлж, байнга, түр,70 жил хадгалахаар ялган эмхлэн цэгцлэж нэгж бүрдүүлэн нэгдсан данс бүртгэлд оруулж, 2008 оноос хойших  байгууллагын даргын тушаалуудыг албан ажлын чиглэлээр болон боловсон хүчний чиглэлээр ангилан төрөлжүүлж, ирсэн, явсан бичгүүдийг сүүлийн 5 жилээр үндсэн үйл ажиллагааны чиглэлээр ялган байнга, 15 жилээр тус тус нэгж бүрдүүлэн бүртгэлд оруулав.

Байгууллагадаа хөтлөгдөх хэргийн нэр төрлийн жагсаалтыг менежер, аудитор, шинжээч нарын ажлын байрны тодорхойлолт, ажил үүргийн хуваарийн дагуу шинэчлэн боловсруулж, баталгаажуулан хэрэг бүрдүүлэлтэнд мөрдөн ажиллаа.

Байгууллагын дотоод албан хэрэг хөтлөлтийн болон байгууллагын  нууцын журам, баримтын ашиглалтын журмуудыг шинэчлэн газрын даргаар баталгаажууллаа.

Байгууллагын дотоод онцлогоос хамаарч аудитор нараас хяналт шалгалтаар явуулсан акт, албан шаардлага  зэрэг мэдээллийн баримтыг цахим хэлбэрт бүртгэн нэгдсэн дугаарт хамруулан коджуулан ажиллаж байна.

Тамга, тэмдэг хэвлэмэл хуудас хийлгэх, хэрэглэх тухай журмын дагуу байгууллагын хэрэгцээнд 2 төрлийн тэмдэг хийлгэн албан хэрэгцээнд ашиглаж, хэвлэмэл хуудасны зарцуулалтын бүртгэлийг зааврын дагуу хөтлөн ажиллаж байна.